బుధవారం 03 జూన్ 2020
Business - May 17, 2020 , 00:57:32

బంగారం ధర పెరుగుదలకు కారణం?

బంగారం ధర పెరుగుదలకు కారణం?

దేశీయంగా బంగారం ధర పెరుగడానికి అంతర్జాతీయ పరిణామాలే ప్రధాన కారణం. ముఖ్యంగా గతేడాది అమెరికా ఆర్థిక వ్యవస్థ మాంద్యంలోకి వెళ్తుందన్న సంకేతాలు వచ్చిన దగ్గర్నుంచి పుత్తడి ధరల్లో స్థిరత్వం లోపించింది. స్టాక్‌ మార్కెట్లు భీకర నష్టాల్లోకి జారుకున్నకొద్దీ మదుపరులు బంగారాన్ని ప్రత్యామ్నాయ పెట్టుబడిగా చూడటం మొదలు పెట్టారు. దీనివల్ల డిమాండ్‌ భారీ స్థాయిలో పెరిగిపోయింది. ప్రపంచవ్యాప్తంగా అన్ని దేశాల సెంట్రల్‌ బ్యాంక్‌లు బంగారం నిల్వల్ని పెంచుకోవడం కూడా బహిరంగ మార్కెట్‌లో ధరల్ని పరుగులు పెట్టిస్తున్నది. 

వచ్చే ఏడాది రూ.82 వేలకు ధర

బంగారం ధరలు ఇప్పట్లో తగ్గే సూచనలేవీ కనిపించడం లేదు. ఇదే దూకుడుతో వచ్చే ఏడాది తులం ధర రూ.82 వేలకు చేరవచ్చన్న అంచనాలు వినిపిస్తున్నాయి. 2021 ఆఖరుకల్లా అంతర్జాతీయ మార్కెట్‌లో ఔన్సు ధర 3 వేల డాలర్లు పలుకవచ్చని, భారతీయ మార్కెట్‌లో 10 గ్రాములు రూ.82 వేలకు పెరుగవచ్చని మార్కెట్‌ నిపుణులు అభిప్రాయపడుతున్నారు. 

మార్కెట్‌లో డిమాండ్‌ ఉంటుందా?

కరోనా నేపథ్యంలో ప్రభుత్వంతోపాటు ప్రజల ఆదాయాలూ భారీగా క్షీణించాయి. ఈ క్రమంలో బంగారం లాంటి ఖరీదైన మార్కెట్ల పరిస్థితి మున్ముందు ఎలా ఉంటుందన్న ప్రశ్నలు తలెత్తుతున్నాయి. మునుపటి స్థాయిలో కొనుగోళ్లు ఉండకపోవచ్చన్న అభిప్రాయాలే వినిపిస్తున్నాయి. 


logo