e-Paper

Advertisement

E-Paper

Apps

Book Your Copy

Visit Telangana Today

Sunday, September 19, 2021
Home బిజినెస్ హెచ్‌డీఎఫ్‌సీ లాభం రూ.3000 కోట్లు

హెచ్‌డీఎఫ్‌సీ లాభం రూ.3000 కోట్లు

న్యూఢిల్లీ, ఆగస్టు 2: హౌసింగ్‌ ఫైనాన్స్‌ కంపెనీ హెచ్‌డీఎఫ్‌సీ నికరలాభం స్టాండెలోన్‌ ప్రాతిపాదికన 2021 జూన్‌తో ముగిసిన త్రైమాసికంలో స్వల్ప తగ్గుదలతో రూ.3,001 కోట్లుగా నమోదయ్యింది. గతేడాది ఇదేకాలంలో సంస్థ నికరలాభం రూ.3,052 కోట్లు. అయితే 2020 జూన్‌ ఫలితాలతో తాజా నికరలాభాన్ని పోల్చతగదని, 2021 జూన్‌లో పెట్టుబడుల విక్రయంపై రూ.263 కోట్లు లాభంరాగా, గతేడాది ఈ లాభం రూ.1,241 కోట్లని కంపెనీ సోమవారం తెలిపింది. అలాగే డివిడెండు ఆదాయం కూడా రూ.263 కోట్ల నుంచి రూ.16 కోట్లకు తగ్గినట్లు పేర్కొంది. కాగా హెచ్‌డీఎఫ్‌సీ కన్సాలిడేటెడ్‌ నికరలాభం రూ.4,059 కోట్ల నుంచి రూ.5,311 కోట్లకు పెరిగింది. నికర వడ్డీ ఆదాయం 22 శాతం వృద్ధితో రూ.4,147 కోట్లకు చేరింది. కంపెనీ స్థూల ఎన్‌పీఏలు 2.24 శాతం (రూ.11,120 కోట్లు)గా నమోదయ్యాయి. కొవిడ్‌ సెకండ్‌వేవ్‌తో ఏప్రిల్‌, మే నెలల్లో తమ వ్యాపారంపై ప్రతికూల ప్రభావం పడిందని, జూన్‌ నెలలో సాధారణస్థాయికి చేరినట్లు హెచ్‌డీఎఫ్‌సీ సీఈవో కేకి మిస్త్రీ చెప్పారు. జూలై నెలలో తమ రుణ పంపిణీలు గణనీయంగా పెరిగినట్లు ఆయన వెల్లడించారు.

- Advertisement -
- Advertisement -
Advertisement
-Advertisement-

తాజావార్తలు

Advertisement

ట్రెండింగ్‌

Advertisement
Namasthe Telangana