న్యూఢిల్లీ: టాటా మోటార్స్ అనుబంధ జాగ్వార్ అండ్ లాండ్ రోవర్ (జేఎల్ఆర్) విపణిలోకి వేలార్ అప్ డేట్ వర్షన్ కారును దేశీయ విపణిలో ఆవిష్కరించింది. గత మోడల్ వేలార్ కారుతో పోలిస్తే 2021 మోడల్ కారులో పలు ఫీచర్లను అప్డేట్ చేసింది. ప్రస్తుతం ఈ కారు ధర రూ.79.87 లక్షలుగా నిర్ణయించింది.
ఇప్పటివరకు పెట్రోల్ వేరియంట్లో మాత్రమే లభించిన వేలార్ కారు.. ఇక డీజిల్ వేరియంట్లోనూ ఖాతాదారులకు అందుబాటులో వచ్చింది. అయితే దీనికి రూ.84 వేలు అదనంగా ఖర్చు చేయాలి.
2.0 లీటర్, 4 సిలిండర్ల డీజిల్ ఇంజిన్ కల కొత్తకారు 204 హెచ్పీ శక్తిని, 430 ఎన్ఎం టార్చ్ను ఉత్పత్తి చేస్తుంది. ఇన్ఫోటైన్మెంట్లోనూ మార్పులు చేశారు.
ఇక పెట్రోల్ ఇంజిన్ 250 హెచ్పీ శక్తి, 430 ఎన్ఎం టార్చ్ను విడుదల చేస్తుంది. కొత్తగా ఎయిర్సస్పెన్షన్ వ్యవస్థను ప్రవేశపెట్టారు. గతంలోని రేర్ వ్యూ కెమెరా స్థానంలో 360 డిగ్రీ కెమెరాను తెచ్చారు. యాక్టివ్ నాయిస్ క్యాన్సిలేషన్ టెక్నాలజీతోపాటు క్యాబిన్ ఎయిర్ ఐయొనైజేషన్ సిస్టం ఏర్పాటు చేశారు.
తొలిసారి 2017 డిసెంబర్లో వేలార్ మోడల్ కారు విపణిలో అడుగు పెట్టింది. అప్పుడు వేలార్ ధర రూ.78.83 లక్షలుగా నిర్ణయించారు.