కోల్కతా : బీజేపీ అభ్యర్థులకు మద్దతుగా పశ్చిమ బెంగాల్లో సూపర్ స్టార్ మిథున్ చక్రవర్తి రోడ్ షోలు చేపడుతున్నారు. గురువారం జంగిల్ మహల్ ప్రాంతంలో రెండు మెగా రోడ్షోలకు నాయకత్వం వహించారు.
మెడకు పొడవాటి కాషాయం కండువా చుట్టుకొని తెల్ల కుర్తా ధరించి మిథున్ చక్రవర్తి రోడ్షోలలో పాల్గొన్నారు. బంకురాలోని సాల్టోరాలో, పశ్చిమ్ మేధినీపూర్ జిల్లాలోని కేషియరీలో మిథున్ రోడ్షోలు నిర్వహించారు.
మిథున్ పాల్గొన్న దారి వెంట ‘జై శ్రీ రామ్’ నినాదాలు మార్మోగాయి. బంతి పువ్వులతో అలంకరించబడిన ఎంయువీపై నిలబడిన మిథున్ దాదాపు రెండున్నర గంటలకు పైగా ఉత్సాహంగా మద్దతుదారులను పలకరించారు. తమ అభిమాన నటుడుని దగ్గరగా చూసేందుకు పెద్ద సంఖ్యలో ప్రజలు తరలివచ్చారు. ఇళ్ళపై నుంచి చేతులు ఊపుతూ మిథున్ దాదా అంటూ పలకరించారు.
‘ఇవాల చేపట్టిన రోడ్షోలకు ప్రజల నుంచి వచ్చిన స్పందన, ప్రజల భావోద్వేగం పశ్చి మ బెంగాల్లో మార్పును కోరుకుంటున్నారని చెప్పడానికి నిదర్శనం’ అని కేషియరీలో మీడియాతో మాట్లాడుతూ మిథున్ చక్కవర్తి అన్నారు. బీజేపీ అధికారంలోకి వస్తే మీకు ముఖ్యమంత్రి అయ్యే అవకాశం ఉందా? అని అడగ్గా.. ‘మీరు కూడా ఇదే ప్రశ్నతో మత్తులో ఉన్నారు’ అని బదులిచ్చారు. ‘నేను హీరోను కాదు. నేను వారి మిథున్ దా. వారు నా స్నేహితులు. నాకు బెంగాల్ ప్రజలతో సంబంధం ఉన్నది’ అని చెప్పారు.
పశ్చిమ బెంగాల్ రాష్ట్ర అసెంబ్లీ ఎన్నికల్లో బీజేపీ విజయం సాధిస్తుందని విశ్వాసం వ్యక్తం చేశారు. రోడ్షోల్లో పాల్గొనేందుకు ఉదయం 10 గంటలకు సాల్టోరాకు మిథున్ చక్రవర్తి చేరుకున్నారు. అయితే, సూపర్ స్టార్ను చూసేందుకు హెలిప్యాడ్ వద్ద పెద్ద సంఖ్యలో ప్రజలు గుమిగూడడంతో కనీసం 15 నిమిషాలు హెలికాప్టర్ నుంచి దిగలేకపోయాడు.
గత నెలలో ప్రధాని నరేంద్ర మోదీ కోల్కతా ర్యాలీ సందర్భంగా మిథున్ చక్రవర్తి బీజేపీలో చేరారు. అయితే, బీజేపీ అయనకు టికెట్ కేటాయించకపోవడం అక్కడి వారిని విస్మయానికి గురిచేస్తున్నది.
గెలిపిస్తే అయోధ్య యాత్ర తీసుకెళ్తానని హామీ.. ఈసీ నోటీసులు
ఒర్లీన్స్ మాస్టర్స్ క్వార్టర్స్లోకి ప్రవేశించిన సైనా
వదులుగా సిగరెట్ల అమ్మకం నిలిపేయవద్దంటున్న స్మోకింగ్ ప్రియులు
2030 కల్లా ఎగురనున్న హైబ్రిడ్ ట్రైప్లేన్
పుతిన్కు వ్యాక్సిన్.. ఫొటో విడుదల చేయకపోవడంపై అనుమానాలు
రైల్వే ప్లాట్ఫాంపై ఏనుగు.. పరుగులు తీసిన ప్రయాణికులు
ఈ నెలలో జీఎస్టీ వసూళ్లలో కొత్త రికార్డు..!
25 ఏండ్ల క్రితం వీకీవీకీవెబ్ ప్రారంభం.. చరిత్రలో ఈరోజు
తాజా వార్తల కోసం నమస్తే తెలంగాణ ఫేస్బుక్ , ట్విటర్, టెలిగ్రామ్ ను ఫాలో అవండి..