విలక్షణ అభినయం, విభిన్నమైన వ్యక్తిత్వం వెరసి యువతరం ఆరాధ్య కథానాయకుడిగా గుర్తింపును సొంతం చేసుకున్నారు విజయ్ దేవరకొండ. దేశవ్యాప్తంగా తిరుగులేని అభిమానగణాన్ని కలిగిన ఆయనకు సోషల్మీడియాలోనూ చక్కటి ఫాలోయింగ్ ఉంది. తాజాగా ఆయన ఇన్స్టాగ్రామ్ ఫాలోవర్స్ సంఖ్య పన్నెండు మిలియన్లకు చేరుకున్నది. ఇన్స్టాగ్రామ్లో అత్యధిక ఫాలోవర్లను కలిగిన దక్షిణాది హీరోగా విజయ్ దేవరకొండ అరుదైన రికార్డును సృష్టించారు. ప్రస్తుతం పూరి జగన్నాథ్ దర్శకత్వంలో ‘లైగర్’ సినిమా చేస్తున్నారు విజయ్దేవరకొండ. పాన్ ఇండియన్ కథాంశంతో బాక్సింగ్ నేపథ్యంలో ఈ సినిమా తెరకెక్కుతోంది. ఇందులో అనన్యాపాండే కథానాయికగా నటిస్తోంది.