శనివారం 06 మార్చి 2021
Badradri-kothagudem - Jan 27, 2021 , 02:26:41

మీ సేవలు అమూల్యం

మీ సేవలు అమూల్యం

దమ్మపేట: జనవరి 26: ‘మీ సేవలు అమూల్యం’ అంటూ మండలంలోని పట్వారిగూడెం పీహెచ్‌సీ వైద్యాధికారిణి డాక్టర్‌ ప్రత్యూషను, పార్కలగండి సర్పంచ్‌ కొర్సా సాగర్‌ను ప్రజాప్రతినిధులు, నాయకులు మంగళవారం గణతంత్ర దినోత్సవం సందర్భంగా ఘనంగా సన్మానించారు. కరోనా కష్టకాలంలో వైద్య సిబ్బందితో కలిసి ప్రజలకు వైద్య సేవలందించినందుకు డాక్టర్‌ ప్రత్యూషను పట్వారిగూడెం ఆసుపత్రి వద్ద పూలమాలలు, శాలువాలతో సన్మానించారు. జడ్పీటీసీ సభ్యుడు పైడి వెంకటేశ్వరరావు, దమ్మపేట పంచాయతీ ప్రత్యేకాధికారి, వెటర్నరీ డాక్టర్‌ మన్యం రమేష్‌బాబు, టీఆర్‌ఎస్‌ మండల అధ్యక్షుడు దొడ్డాకుల రాజేశ్వరరావు, ఏఎంసీ వైస్‌ చైర్మన్‌ కొయ్యల అచ్యుతరావు, సర్పంచ్‌ మొగిలి అంజలి, ఉప సర్పంచ్‌ రెడ్డిమళ్ల నాగన్న తదితరులు పాల్గొన్నారు. కలెక్టర్‌, జడ్పీ చైర్మన్‌ నుంచి ప్రశంసాపత్రం అందుకున్న పార్కలగండి సర్పంచ్‌ కొర్సా సాగర్‌ను ఏఎంసీ వైస్‌ చైర్మన్‌ కొయ్యల అచ్యుతరావు, వార్డు సభ్యులు, టీఆర్‌ఎస్‌ నాయకులు తదితరులు సనానించారు.

VIDEOS

logo