మంగళవారం 27 అక్టోబర్ 2020
Badradri-kothagudem - Jul 25, 2020 , 01:22:30

తండ్రికి తగ్గ తనయుడు

తండ్రికి తగ్గ తనయుడు

ఇల్లెందు : యువనేత, టీఆర్‌ఎస్‌ వర్కింగ్‌ ప్రెసిడెంట్‌, మున్సిపల్‌ శాఖమంత్రి కేటీఆర్‌ 44వ జన్మదిన వేడుకలు ఘనంగా జరిగాయి.శుక్రవారం ఇల్లెందు నియోజకవర్గ వ్యాప్తంగా జన్మదిన వేడుకల సంబురాలు అంబరాన్నంటాయి. ఎమ్మెల్యే బానోత్‌ హరిప్రియనాయక్‌, జిల్లా గ్రంథాలయ సంస్థ చైర్మన్‌ దిండిగాల రాజేందర్‌ తెలంగాణ తల్లి విగ్రహం వద్ద కేక్‌కట్‌ చేసి సంబరాలు చేసుకున్నారు. నిర్వాసిత కాలనీలో చిట్టడవుల పెంపకానికి శ్రీకారం చుట్టారు. ఎమ్మెల్యే హరిప్రియనాయక్‌ మొక్కలు నాటి కేటీఆర్‌ జన్మదిన వేడుకలను ప్రారంభించారు. ఈ సందర్భంగా ఎమ్మెల్యే మాట్లాడుతూ యువనేత కేటీఆర్‌ అతి తక్కువ సమయంలోనే తండ్రికి తగ్గ తనయుడిగా చెరగని ముద్ర సంపాదించారని కొనియాడారు. దేశంలో మరెక్కడా అమలుకాని సంక్షేమ, సంస్కరణలు మున్సిపల్‌ శాఖలో తీసుకొచ్చిన ఘనత కేటీఆర్‌కే దక్కుతుందన్నారు. ఈ కార్యక్రమంలో టీఆర్‌ఎస్‌ రాష్ట్ర నాయకులు బానోత్‌ హరిసింగ్‌నాయక్‌, మున్సిపల్‌ చైర్మన్‌ దమ్మాలపాటి వెంకటేశ్వరరావు, నాయకులు పులిగళ్ల మాధవరావు, వైస్‌ చైర్మన్‌ ఎస్‌డీ జానీ, సుధీర్‌తోత్లా, సిలివేరి సత్యనారాయణ, కౌన్సిలర్లు కొక్కు నాగేశ్వరరావు, సిలివేరి అనిత, కనకంచి పద్మ, తోట లలితశారద, పత్తి స్వప్న, స్వాతి, హరికృష్ణ, పరుచూరి వెంకటేశ్వర్లు తదితరులు పాల్గొన్నారు. 

ప్రభుత్వ విప్‌ రేగా కాంతారావు

మణుగూరు: బంగారు తెలంగాణ సాధనలో కీలక పాత్ర పోషిస్తున్న యువనేత కేటీఆర్‌ డైనమిక్‌ లీడర్‌ అని ప్రభుత్వ విప్‌, ఎమ్మెల్యే రేగా కాంతారావు కొనియాడారు. శుక్రవారం పట్టణంలోని తెలంగాణ భవన్‌లో రాష్ట్ర  మున్సిపల్‌, ఐటీ శాఖ మంత్రి, టీఆర్‌ఎస్‌ రాష్ట్ర వర్కింగ్‌ ప్రెసిడెంట్‌ కల్వకుంట్ల తారకరామారావు పుట్టినరోజు వేడుకలను ఘనంగా నిర్వహించారు. తొలుత విప్‌ రేగా కాంతారావు పార్టీ కార్యాలయంలో నాయకులకు, కార్యకర్తలకు, ప్రజా ప్రతినిధులకు, టీబీజీకేఎస్‌ నాయకులకు, అభిమానులకు స్వీట్లు అందజేశారు. ఈ సందర్భంగా ఆయన మాట్లాడుతూ యువనేత, డైనమిక్‌ లీడర్‌ కేటీఆర్‌ బంగారు తెలంగాణ సాధనలో కీలక పాత్ర పోషిస్తున్నారని, రాష్ట్ర అభివృద్ధికి శక్తివంచన లేకుండా పాటుపడుతున్నారని చెప్పారు. రాష్ట్రంలో టీఆర్‌ఎస్‌ బలోపేతానికి అహర్నిశలు శ్రమిస్తున్నారన్నారు. యువనేత, డైనమిక్‌ లీడర్‌ కేటీఆర్‌ నిండు నూరేళ్లు ఆయురారోగ్యాలతో ఉండాలని కోరారు. ఈ కార్యక్రమంలో మండల, పట్టణ టీఆర్‌ఎస్‌ పార్టీ నాయకులు, ప్రజా ప్రతినిధులు తదితరులు పాల్గొన్నారు.
ప్రతి ఒక్క కార్యకర్త  సైనికుడిలా పని చేయాలి...
  ప్రతి ఒక్క కార్యకర్త పార్టీ బలోపేతానికి సైనికుడిలా పనిచేయాలని ప్రభుత్వ విప్‌ రేగా కాంతారావు అన్నారు. ఆయన శుక్రవారం మణుగూరు పట్టణంలో తెలంగాణ భవన్‌ -మండల, పట్టణ టీఆర్‌ఎస్‌ పార్టీ కార్యాలయాన్ని ప్రారంభించారు. తొలుత తెలంగాణభవన్‌ వద్ద టీఆర్‌ఎస్‌ పార్టీ జెండాను ఆవిష్కరించారు.  ఈ సందర్భంగా ఆయన మాట్లాడుతూ..  ప్రతి కార్యకర్త ప్రభుత్వ సంక్షమ పథకాలను అర్హులకుఅందేలాకృషిచేయాలన్నారు. సీఎం కేసీఆర్‌ ప్రవేశపెట్టిన పథకాలు దేశానికే ఆదర్శంగా ఉన్నాయన్నారు. అభివృద్ధే రాష్ట్ర ప్రభుత్వఆశయమని, అన్ని వర్గాల సంక్షేమమే ప్రభుత్వ ధ్యేయమన్నారు.రాష్ర్టాన్ని బంగారు తెలంగాణగా తీర్చి దిద్దాలని కంకణం కట్టుకున్న ముఖ్యమంత్రి కేసీఆర్‌ ఆశయసాధనలో అందరూ భాగస్వాములు కావాలన్నారు. కోటి ఎకరాలకు సాగునీరు అందించాలనేదే సీఎం సంకల్పమన్నారు. కార్యక్రమంలో  మణుగూరు జడ్పీటీసీ పోశం నర్సింహారావు,  డీసీసీబీ డైరెక్టర్‌ తుళ్లారి బ్రహ్మయ్య, ఎంపీపీ కారం విజయకుమారి,  పీఏసీఎస్‌ అధ్యక్షుడు కుర్రి నాగేశ్వరరావు, వైస్‌ ఎంపీపీ కేవీరావు, టీబీజీకేఎస్‌ బ్రాంచీ ఉపాధ్యక్షుడు వి. ప్రభాకర్‌రావు, కోటా శ్రీనివాసరావు, మణుగూరు మండల, పట్టణ టీఆర్‌ఎస్‌ అధ్యక్షులు ముత్యంబాబు, అడపా అప్పారావు, బొలిశెట్టి నవీన్‌, తాళ్లపల్లి యాదగిరిగౌడ్‌,  రుద్ర వెంకట్‌, హర్ష, సర్పంచ్‌లు, ఎంపీటీసీ సభ్యులు, నాయకులు తదితరులు పాల్గొన్నారు.                       సీఎంఆర్‌ఎఫ్‌ చెక్కుల పంపిణీ
ముఖ్యమంత్రి సహాయ నిధి(సీఎంఆర్‌ఎఫ్‌) నుండి మంజూరైన రూ.7.9లక్షల చెక్కులను అబ్ధిదారులకు రేగా అందజేశారు. అనంతరం ఆయన మాట్లాడుతూ అన్ని వర్గాల అభివృద్ధి, సంక్షేమమే టీఆర్‌ఎస్‌ ప్రభుత్వ ధ్యేయమన్నారు.  ప్రభుత్వం అందజేస్తున్న సహాయాన్ని సద్వినియోగం చేసుకోవాలన్నారు.  


logo