టీకాలు వస్తున్నా, హెర్డ్ ఇమ్యూనిటీ పెరుగుతున్నా మాస్క్ ధరించడం తప్పనిసరి అయింది. అందుకు తగ్గట్టే మాస్కుల్లోనూ కొత్త ట్రెండ్స్ పుట్టుకొస్తున్నాయి. ఈ మాస్కులూ ఆ టైపే! ధరించిన వారి వ్యక్తిత్వాన్ని తెలిపేవి ఒకటైతే, ఎదుటివారికి హెచ్చరిక చేసేవి మరొకటి. ఈ స్లోగన్ మాస్కులకు మార్కెట్లో డిమాండ్ జోరుమీదుంది. ‘అయామ్ స్మైలింగ్’, ‘రీడ్ మై లిప్స్’, ‘ప్లీజ్ గివ్ మీ స్పేస్’.. లాంటి కొటేషన్లు, ‘ఆల్ ఈజ్ వెల్’, ‘బీ కైండ్’.. తదితర సందేశాలతో కూడిన మాస్కులు పెదవి మాటునున్న మాటను ప్రత్యేకంగా ప్రదర్శిస్తున్నాయి. కస్టమైజ్డ్ మాస్కులు కూడా రూపొందుతున్నాయి. కస్టమర్ల అభిప్రాయాలను మాస్క్లపై ముద్రించి ఇస్తున్నారు. రకరకాల స్లోగన్లు సైతం మాస్కులకెక్కి, వాటిని ధరించిన వారి సందేశాన్ని చెప్పకనే చూపుతున్నాయి.