e-Paper

Advertisement

E-Paper

Apps

Book Your Copy

Visit Telangana Today

Monday, June 14, 2021
Home News రెండో రోజుకు చేరుకున్న శ్రీ పద్మావతి పరిణయోత్సవాలు…

రెండో రోజుకు చేరుకున్న శ్రీ పద్మావతి పరిణయోత్సవాలు…

రెండో రోజుకు చేరుకున్న శ్రీ పద్మావతి పరిణయోత్సవాలు…

తిరుమల, 21మే : తిరుమల శ్రీవారి ఆలయంలోని కల్యాణమండపంలో జరుగుతున్న శ్రీ పద్మావతి పరిణయోత్సవాలు శుక్రవారం రెండో రోజుకు చేరాయి. కోవిడ్‌-19 వ్యాప్తి నేప‌థ్యంలో ఈ ఉత్సవాలను ఆల‌యంలో ఏకాంతంగా నిర్వ‌హిస్తున్నారు. శ్రీ‌వారి ఆల‌యంలోనిక‌ల్యాణ‌మండ‌పంలో మ‌ధ్యాహ్నం 4 గంట‌లకు ఈ ఉత్సవ కార్యక్రమం ప్రారంభమైంది.
పరిణయోత్సవంలో రెండవ రోజైన శుక్రవారంనాడు వైశాఖశుద్ధ దశమి. ఇదే అసలు అలనాటి ముహూర్తదినమని పురాణాల ద్వారా తెలుస్తోంది. కనుక ఈ మూడు రోజుల పద్మావతీ పరిణయోత్సవంలో రెండవ రోజు ప్రాముఖ్యతను సంతరించుకుంది.

ఈ సందర్భంగా శ్రీ మలయప్ప స్వామివారు అశ్వవాహనాన్ని అధిరోహించి వేంచేపు చేయగా, వెంట స్వర్ణ పల్లకీలో శ్రీదేవి , భూదేవి అనుసరించారు. మొదటిరోజు మాదిరే శ్రీస్వామివారికి, అమ్మవార్లకు ఎదుర్కోలు, పూలమాలలు మార్చడం, పూలబంతులాట, నూతన వస్త్రధారణ తదితర కార్యక్రమాలు పూర్తయిన తరువాత కొలువు చేపట్టారు. ఈ కార్యక్రమంలో టిటిడి బోర్డు సభ్యులు డిపి.అనంత, శ్రీవారి ఆలయ డిప్యూటీ ఈవో హరీంద్రనాథ్‌, అర్చకస్వాములు పాల్గొన్నారు.

Advertisement
-Advertisement-

తాజావార్తలు

Advertisement
రెండో రోజుకు చేరుకున్న శ్రీ పద్మావతి పరిణయోత్సవాలు…

ట్రెండింగ్‌

Advertisement