దర్శకేంద్రుడు రాఘవేంద్రరావు పర్యవేక్షణలో రూపొందుతున్న చిత్రం ‘పెళ్లిసందడి’. రోషన్, శ్రీలీల జంటగా నటిస్తున్నారు. గౌరి రోణంకి దర్శకురాలు. ఆర్కామీడియా వర్క్స్, ఆర్.కె.ఫిలిం అసోసియేట్స్ పతాకాలపై మాధవి కోవెలమూడి, శోభు యార్లగడ్డ, ప్రసాద్ దేవినేని నిర్మిస్తున్నారు. ఆదివారం రాఘవేంద్రరావు జన్మదినోత్సవాన్ని పురస్కరించుకొని సినిమాలోని ‘బుజ్జులు బుజ్జులు కొనిపెడతా బంగారు గజ్జెలు..’ అనే గీతాన్ని విడుదల చేశారు. దర్శకురాలు మాట్లాడుతూ ‘అలకబూనిన ప్రేయసిని ప్రసన్నం చేసుకుంటూ ప్రియుడు పాడే గీతమిది. కీరవాణి సంగీతసారథ్యంలో ప్రతి పాట శ్రోతల్ని అలరిస్తుంది’ అని చెప్పింది. ‘సంగీతానికి చాలా ప్రాధాన్యతన ఉన్న కథాంశమిది. కొంత ప్యాచ్వర్క్ మినహా షూటింగ్ పూర్తయింది. జూన్ లేదా జూలైలో మంచి రిలీజ్ డేట్ కోసం ఎదురుచూస్తున్నాం’ అని నిర్మాతలు తెలిపారు.