ఏపీ టీడీపీ రాష్ట్ర అధ్యక్షుడు అచ్చెన్నాయుడుకు నోటీసులు

అమరావతి :  ఏపీ టీడీపీ రాష్ట్ర అధ్యక్షుడు కింజరాపు అచ్చెన్నాయుడుకు పోలీసులు ఇవాళ నోటీసులు జారీ చేశారు. విశాఖలో ఉన్న అచ్చెన్నాయుడుకు శ్రీకాకుళం పోలీసులు సాయంత్రం నోటీసులు అందజేశారు. సంతబొమ్మాళి, పాలేశ్వరస్వామి ఆలయం వద్ద జరిగిన ఘటనల్లో నోటీసులు జారీ చేసినట్లు పోలీసులు తెలిపారు. రేపు సాయంత్రం 5 గంటలలోపు కాశీబుగ్గ డీఎస్పీ శివరామిరెడ్డి ముందు హాజరుకావాలని నోటీసులో పేర్కొన్నారు.

ఇటీవల సంతబొమ్మాళి ఎంపీడీఓ కార్యాలయ ప్రాంగణంలో విగ్రహాల ధ్వంసం, పాలేశ్వరస్వామి ఆలయ జంక్షన్‌లో విగ్రహ రగడ చోటుచేసుకున్న విషయం తెలిసిందే. మత విద్వేషాలను రెచ్చగొట్టేందుకు స్థానిక ఎమ్మెల్యే అచ్చెన్నాయుడు ప్రోత్సహంతో టీడీపీ నాయకులు ఘటనకు పాల్పడ్డారని ఆరోపిస్తూ వైఎస్సార్సీపీ నాయకులు పోలీసులకు ఫిర్యాదు చేశారు.

లోకల్ టు గ్లోబల్.. వార్త ఏదైనా.. అన్నీ ఒకే యాప్లో నమస్తే తెలంగాణ ఆండ్రాయిడ్ యాప్ డౌన్లోడ్ చేసుకోండి.