ఏపీలో కొత్తగా 117 కరోనా పాజిటివ్‌ కేసులు

అమరావతి: ఆంధ్రప్రదేశ్‌లో గడచిన 24 గంటల్లో కొత్తగా 117 మందికి కొవిడ్‌-19 పాజిటివ్‌గా నిర్ధారణ అయిందని, కరోనా ఒక్కరు కూడా మృతిచెందలేదని రాష్ట్రవైద్యారోగ్యశాఖ తెలిపింది. ఇప్పటివరకు రాష్ట్రంలో నమోదైన కరోనా కేసుల సంఖ్య 887466కు చేరింది. ప్రస్తుతం రాష్ట్రంలో 1358 యాక్టివ్‌ కేసులున్నాయి. ఇవాళ్టి వరకు 878956 మంది కరోనా నుంచి కోలుకున్నారు. ఇప్పటి వరకు  కరోనా బారినపడి మరణించిన వారి సంఖ్య 7152కు చేరింది. నేటి వరకు రాష్ట్రంలో 1,30,12,150 శాంపిల్స్‌ పరీక్షించారు.