సోమవారం 01 మార్చి 2021
Agriculture - Jul 01, 2020 , 23:57:56

నారుమళ్లకు అనుకూలం

నారుమళ్లకు అనుకూలం

రాష్ట్రంలో మూడు రోజులుగా అక్కడక్కడా తేలికపాటి నుంచి ఓ మోస్తరు వర్షాలు కురిశాయి. ఈ నేపథ్యంలో ప్రొఫెసర్‌ జయశంకర్‌ విశ్వవిద్యాలయ శాస్త్రవేత్తలు రైతుల కోసం పలు సూచనలు చేస్తున్నారు. 

  • రాబోయే వారంరోజుల్లో వర్షాలు పడే సూచనలున్నందున రైతులు  వర్షాధారంగా సాగు చేసే సోయా, జొన్న, కంది, పెసర, పత్తిలాంటివి విత్తుకోవాలి. 
  • నీరు సమృద్ధిగా ఉన్న ప్రాంతాల్లో వరి రకాల నారుమళ్లు పోసుకోవడానికి ఇదే అనువైన సమయం.
  • రైతులు తెలంగాణ సోనా (ఆర్‌ఎన్‌ఆర్‌ 15048) విత్తనాలతో జూలై 10 నుంచి 25వ తేదీ వరకు నారు పోసుకోవాలి.
  • పెసర, సోయాచిక్కుడు పంటల్లో కిలో విత్తనానికి 2.5 గ్రా. కార్బండజిమ్‌, 30 గ్రా. కార్బోసల్ఫాన్‌ మందును కలిపి విత్తనశుద్ధి చేసి విత్తుకోవాలి.
  • కంది, పత్తి (1:4 లేదా 1:6), కంది,   జొన్న (1:4), కంది, సోయా (1:7)  పంటల్ని అంతరపంటలుగా వేసుకోవాలి.

కూరగాయలు..

  • కూరగాయ పంటలో రసం పీల్చే పురుగులు కనిపిస్తే, నివారణకు 2 మి.లీ డైమిథోయేట్‌ లేదా 1.5 గ్రా.ఎసిఫేట్‌ను లీటరు నీటికి కలిపి పిచికారీ చేయాలి.టమాట, వంగ, మిరప నారుమళ్లు పోసుకోవాలి.
  • నీటి వసతి గల ప్రాంతాల్లో బెండ, చిక్కుడు, తీగజాతి కూరగాయలను విత్తుకోవాలి.
  • అధిక వర్షాలు, ఆకాశం మేఘావృతమై ఉండటం వల్ల కూరగాయ పంటల నారుమళ్లలో నారుకుళ్లు తెగులు సోకే ప్రమాదం ఉన్నది. దీని నివారణకు కింది యాజమాన్య పద్ధతులు పాటించాలి...
  • 3 గ్రా. కాపర్‌ ఆక్సిక్లోరైడ్‌ మందును ఒక లీటరు నీటికి కలిపి నారుమడిని పూర్తిగా తడపాలి.
  • నారుమళ్లలో మురుగునీటి వసతిని ఏర్పాటు చేసుకోవాలి.
  • విత్తే ముందు కిలో విత్తనానికి 5 గ్రాముల ఇమిడాక్లోప్రిడ్‌, 3 గ్రాముల కాప్టాన్‌ చొప్పున విత్తనశుద్ధి చేస్తే, నారుమడిలో రసం పీల్చే పురుగులు, ఆకుమచ్చ తెగుళ్లను నివారించవచ్చును. 
  • విత్తనాలను ఎత్తైన నారుమళ్లలో 10 సెం. మీ. ఎడంతో వరుసలలో విత్తుకోవాలి.

VIDEOS

logo