శాన్ఫ్రాన్సిస్కో: రాచరికానికి గుడ్బై చెప్పిన బ్రిటన్ ప్రిన్స్ హ్యారీ ఓ ఉద్యోగం చూసుకున్నాడు. శాన్ఫ్రాన్సిస్కోలో ఉన్న ఓ స్టార్టప్ కంపెనీలో చీఫ్ ఇంపాక్ట్ ఆఫీసర్గా చేరాడు. ఉద్యోగుల మెదళ్లను సానబెట్టడమే ప్రిన్స్ హ్యారీ చేయాల్సిన పని. ఈ కంపెనీ పేరు బెటరప్. మానసికంగా దృఢంగా ఉండటం అనేది చాలా ముఖ్యమని, ఇది మనలోని అంతులేని సామర్థ్యాన్ని వెలికి తీస్తుందని ఈ సందర్భంగా కంపెనీ బ్లాగ్ పోస్ట్లో ప్రిన్స్ హ్యారీ చెప్పాడు. ఈ బెటరప్ మొబైల్ ఆధారిత కోచింగ్, కౌన్సెలింగ్, మార్గదర్శకం అందించే సంస్థ. ఈ కంపెనీ విలువ 173 కోట్ల డాలర్లుగా ఉంది. 2013లో ప్రారంభమైన ఈ సంస్థలో ప్రస్తుతం 270 మంది ఉద్యోగులు పని చేస్తుండగా.. మొత్తం 2 వేల మంది కోచ్ల నెట్వర్క్ ఉంది. రాచరికానికి గుడ్బై చెప్పి బకింగ్హామ్ ప్యాలెస్ నుంచి అమెరికా వచ్చేసిన ప్రిన్స్ హ్యారీ జంట.. ఇప్పుడు సొంత కాళ్లపై నిలబడేందుకు ప్రయత్నిస్తోంది. అందులో భాగంగానే ప్రిన్స్ హ్యారీ ఈ కొత్త ఉద్యోగంలో చేరాడు.