రాష్ట్రస్థాయి వాలీబాల్ విజేత పాలమూరు


Sun,September 9, 2018 12:35 AM

vollyball
వర్గల్: సిద్దిపేట జిల్లా గజ్వేల్ నియోజకవర్గం వర్గల్ మండలం నాచగిరిగుట్ట వద్ద మూడు రోజులుగా జరిగిన అండర్-14 రాష్ట్రస్థాయి వాలీబాల్ టోర్నీ శనివారంతో ముగిసింది. పాత పది జిల్లాల ప్రకారం బాలికలు, బాలుర విభాగాల్లో మొత్తం 20 జట్లు పోటీల్లో పాల్గొన్నాయి. బాలికల ఫైనల్లో నల్లగొండ 3-1 తేడాతో రంగారెడ్డిపై గెలిచింది. బాలుర తుది పోరులో పాలమూరు జట్టు 2-1 తేడాతో నిజామాబాద్‌ను ఓడించి టైటిల్‌ను కైవసం చేసుకుంది. గెలుపొందిన విజేతలకు గజ్వేల్ మున్సిపల్ చైర్మన్ గాడిపల్లి భాస్కర్ చేతుల మీదుగా బహుమతులు అందజేశారు. ఈ కార్యక్రమంలో జిల్లా వాలీబాల్ అసోసియేషన్ అధ్యక్షుడు హన్మంతరెడ్డి, జిల్లా వాలీబాల్ ఉపాధ్యక్షులు కొన్యాల రాజిరెడ్డి, సెక్రటరీ నర్సింహులు, క్రీడా ఆర్గనైజింగ్ సెక్రటరీ సుల్తాన్, మాజీ సర్పంచ్‌లు యాదగిరిగౌడ్, గూడూరి శ్రీనివాస్ తదితరులు పాల్గొన్నారు.

104

More News

VIRAL NEWS

Featured Articles