వ్యవసాయరంగం- ప్రభుత్వ నిర్ణయాలు


Wed,October 2, 2019 12:33 AM

-పెద్ద, మధ్య, చిన్నతరహా సాగునీటి ప్రాజెక్టుల కోసం రాష్ట్ర ప్రభుత్వం చేసిన ప్రయత్నం...
-సాగునీటి ప్రాజెక్టుల కోసం గత రెండేండ్లలో సుమారు రూ. 25 వేల కోట్లు..... బడ్జెట్ కేటాయించింది.
-సాగునీటి ప్రాజెక్టులను రీ-డిజైన్ చేయడం.
-పెద్ద, మధ్యతరహా సాగునీటి ప్రాజెక్టుల సామర్థ్యం పెంచడానికి వాటిని ఆధునీకరించడం.
-ఎన్నో ఏండ్లుగా పెండింగ్‌లో ఉన్న అంతరాష్ట్ర సమస్యలను చర్చల ద్వారా పరిష్కరించడం.
-చెరువుల పునరుద్ధరణ కోసం మిషన్ కాకతీయ చేపట్టడం.
-వ్యవసాయ రంగానికి 24 గంటల ఉచిత విద్యుత్ అందించడం.

వడ్డీ లేని పంట రుణాలు, పావలా వడ్డీ

-రైతులకు ఆర్థికభారం తగ్గించడానికి, వ్యవస్థాగత రుణాలు తక్కువ వడ్డీరేటుకు అందించడానికి ప్రభుత్వం ఈ పథకాన్ని ప్రారంభించింది.
-దీని ప్రకారం రైతుకు పంటరుణం లక్ష రూపాయల వరకు ఎలాంటి వడ్డీ తీసుకోకపోగా, రూ. లక్ష నుంచి 3 లక్షల వరకు పావలా వడ్డీ మాత్రమే వసూలు చేస్తారు.
-దీన్ని రాష్ట్ర ప్రభుత్వం 4 శాతం, కేంద్ర ప్రభుత్వం 3 శాతం భరిస్తాయి.
VNR-Research

రుణ మాఫీ

-2014-15లో తెలంగాణ ప్రభుత్వం రూ. లక్ష వరకు రుణాలున్న రైతులకు ఈ పథకాన్ని వర్తింపచేసింది.
-దీన్ని 2014-15, 2015-16, 2016-17, 2017-18 ఆర్థిక సంవత్సరాల్లో సమ భాగాలుగా విభజించి విడతలవారీగా విడుదల చేసింది.
-దీంతో 35.30 లక్షల మంది రైతులకు రూ. 16,124.37 కోట్లను అందించింది.

వ్యవసాయ సంబంధిత పరికరాలు

-ఇందులో భాగంగా ప్రభుత్వం ప్రాథమిక సహకార సంఘాల ద్వారా రైతులకు విత్తనాలు, ఎరువులు, క్రిమిసంహారక మందుల వంటివి, సబ్సిడీ ట్రాక్టర్లు అందించింది.

విత్తన పరిశ్రమ అభివృద్ధికి కారణాలు

-దేశానికి కావాల్సిన విత్తనాల్లో 60 శాతం తెలంగాణ నుంచే అందుతున్నాయి.
-అన్ని జిల్లాలు విత్తన ఉత్పత్తికి అనుకూలంగా ఉన్నాయి. అందువల్ల ప్రధాన పంటల విత్తనాల ఉత్పత్తి జరుగుతున్నది.
-చల్లని, పొడి వాతావరణం విత్తనాల మన్నికకు ఉపయోగపడుతుంది.
-సామర్థ్యంగల విత్తన ఉత్పత్తి కేంద్రాలు ఉండటం, విత్తనాల నిల్వకు కావాల్సిన సౌకర్యాలు రాష్ట్రంలో ఉన్నాయి.
-నేషనల్ సీడ్ కార్పొరేషన్ (ఎన్‌ఎస్‌సీ), ఇంటర్నేషనల్ రిసెర్చ్ ఇన్‌స్టిట్యూట్ ఫర్ సెమీ అండ్ ట్రాపిక్స్ (ఇక్రిశాట్), ఇండియన్ ఇన్‌స్టిట్యూట్ ఆఫ్ రైస్ రిసెర్చ్ (ఐఆర్‌ఆర్), తెలంగాణ రాష్ట్ర విత్తనాభివృద్ధి సంస్థ (టీఎస్‌ఎస్‌డీసీ), తెలంగాణ స్టేట్ సీడ్ సర్టిఫికేషన్ ఏజెన్సీ (టీఎస్‌ఎస్‌సీఏ), రాష్ట్ర వ్యవసాయ విశ్వవిద్యాలయాలు మొదలైన జాతీయ, అంతర్జాతీయ సంస్థలు విత్తనాభివృద్ధిలో నిమగ్నమై ఉన్నాయి.
-ప్రభుత్వం సామాజిక బాధ్యతగా జొన్న, నూనె గింజలు, పశుగ్రాసం మొదలైన పంటల విత్తనాల ఉత్పత్తిని ప్రోత్సహిస్తున్నది.
-విత్తన గ్రామ కార్యక్రమాన్ని మెరుగుపరచడం, విత్తన పరిశ్రమ కోసం అనువైన ప్రాంతాలను అన్వేషించడం.
-అన్ని రాష్ర్టాల విత్తన సంస్థలను పునరుద్ధరించడం.
-పంటకోత తర్వాత ఉండే విత్తన తయారీ ప్లాంట్లలో నిల్వ, రవాణ మొదలైన వాటికి మద్దతు పలకడం.
-అదనపు ఎగుమతి సామర్థ్యాన్ని గమనించడం.
-విత్తనాల కార్యక్రమాలన్నింటిని సమన్వయం చేసే అంకితభావం కలిగిన విత్తన సంస్థలు ఉండటం.
-విత్తన ఉత్పత్తి చేసే సహకార సంస్థలను ప్రోత్సహించడం.
-గ్లోబల్ విత్తన సంస్థ (హబ్) ఏర్పరిచే సాధ్యాసాధ్యాలను పరిశీలించడం.
-విత్తనాల ఉత్పత్తిలో ప్రభుత్వ, ప్రైవేటు భాగస్వామ్యం ఉండేట్లు చూడటం.
-వ్యవసాయ విభాగం విత్తన ఉత్పత్తి కోసం పంచవర్ష ప్రణాళికలను విత్తన ప్రత్యామ్నాయ నిష్పత్తిని 100 శాతం సాధించేలా ప్రణాళిక రూపొందిచింది. దీనికోసం యూనివర్సిటీలు, ఇతర సంస్థలను సమన్వయ పరుస్తున్నది.

విత్తన సబ్సిడీ

-వివిధ రకాల పంటల విత్తనాలను చిన్న, సన్నకారు రైతులకు సబ్సిడీ కింద అందిచడం.
-తెలంగాణ రాష్ట్రం ఏర్పడినప్పటి నుంచి ఇప్పటి వరకు 16.01 లక్షల క్వింటాళ్ల విత్తనాలను 21.33 లక్షల రైతులకు అందించారు.
-ఖరీఫ్ కాలంలో 3.41 లక్షల విత్తనాలు, రబీ కాలంలో 5.83 లక్షల క్వింటాళ్ల విత్తనాలను 2017-18కిగాను అందించారు.

సీడ్ విలేజ్ ప్రోగ్రామ్

-అన్ని పంటలకు చెందిన నాణ్యతగల విత్తనాలను అభివృద్ధి చేసి రైతులకు గిట్టుబాటు ధరల్లో అందుబాటులో ఉంచి కావాల్సిన విత్తన ప్రత్యామ్నాయ నిష్పత్తిని సాధించడం ఈ కార్యక్రమం ప్రధాన లక్ష్యం.
-రాష్ట్రంలో 10 విత్తన ఫామ్‌లు 536 హెక్టార్లలో విస్తరించి ఉన్నాయి. ఇవి ఈ కార్యక్రమానికి కావాల్సిన విత్తనాలను సరఫరా చేస్తున్నాయి.
-దీంతో రైతులకు 50 శాతం సబ్సిడీపై తృణ ధాన్యాల విత్తనాలు, 60 శాతం సబ్సిడీపై పప్పు ధాన్యాలు, నూనె గింజల విత్తనాలను పంపిణీ చేస్తున్నారు.
-3.22 లక్షల హెక్టార్ల విస్తీర్ణంలో వివిధ పంటలకు సంబంధించి 37.42 లక్షల క్వింటాళ్ల విత్తనాలు ఉత్పత్తి అవుతున్నాయి.
-ఉమ్మడి మహబూబ్‌నగర్ జిల్లా హైబ్రీడ్ పత్తి విత్తనాల ఉత్పత్తి, ఉమ్మడి కరీంనగర్, నిజామాబాద్, మెదక్ జిల్లాలు హైబ్రీడ్ ఎర్రజొన్న ఉత్పత్తి, కరీంనగర్, వరంగల్ జిల్లాలు హైబ్రీడ్ వరి విత్తనాలు ఉత్పత్తి చేస్తున్నాయి.
-ఉమ్మడి కరీంనగర్, వరంగల్, నల్లగొండ, మహబూబ్‌నగర్, ఆదిలాబాద్ జిల్లాల్లో హైబ్రీడ్ వరి, సోయాబీన్, పప్పు ధాన్యాలు, కూరగాయాల వంటి వంగడాలను ఉత్పత్తి చేసే క్షేత్రాలు ఉన్నాయి.

విత్తన పరిశ్రమల ఎగుమతి సామర్థ్యం పెంచడం

-30 డిగ్రీల ఉత్తర అక్షాంశాల నుంచి 30 డిగ్రీల దక్షిణ అక్షాంశాల మధ్య ఒకే రకమైన వాతావరణం ఉండటంతో విత్తనాలను దేశీయంగానే కాకుండా అంతర్జాతీయ మార్కెట్లయిన ఆఫ్రికా, ఇండోనేషియా, వియత్నాం, బంగ్లాదేశ్, ఇతర అభివృద్ధి చెందుతున్న దేశాలకు ఎగుమతి చేసే అవకాశం పెంచవచ్చు.
-వ్యవసాయాన్ని బలోపేతం చేయడానికి ప్రభుత్వం వివిధ పథకాలను ప్రారంభించింది. అవి.. వ్యవసాయంపై చేసే పరిశోధన అంతా రైతులకు అందించడం వల్ల వ్యవసాయరంగ అభివృద్ధికి ఎంతో దోహదపడుతున్నది. ఇది ఎక్కువగా ల్యాబ్ టు ల్యాండ్ అంటే ప్రయోగశాలలో అభివృద్ధిపరచిన కొత్త వ్యవసాయ టెక్నాలజీకి సంబంధించిన పద్ధతులు రైతులకు వివరించి పంట ఉత్పత్తికి సహాయం అందించడం. తెలంగాణ ప్రభుత్వం వరంగల్, రంగారెడ్డి జిల్లాలతోపాటు కొత్తగా ఆదిలాబాద్, కరీంనగర్ జిల్లాల్లో ఎరువుల పరీక్షల ల్యాబ్‌లను ఏర్పాటు చేసింది.
-నకిలీ ఎరువులపై ఉక్కుపాదం: నాసిరకం విత్తనాలు, ఎరువులను సప్లయ్ చేసినవారిపై పీడీ యాక్ట్ కింద అక్రమార్కులను శిక్షించేలా ప్రభుత్వం చర్యలు తీసుకుంటుంది.
-ప్రకృతి వైపరీత్యాలను ఎదుర్కోవడం: వ్యవసాయరంగంలో ప్రకృతి వైపరీత్యాలను ఎదుర్కోవడానికి ప్రభుత్వం ఇప్పటి వరకు రూ. 1302 కోట్లు విడుదల చేసింది.
-తెలంగాణ రాష్ట్ర విత్తన, ఆర్గానిక్ సర్టిఫికెట్ అథారిటీ: ఇది రాష్ట్రంలో విత్తన నాణ్యతను పరీక్షించడానికి, ధృవీకరించడానికి పనిచేస్తుంది. ఈ సంస్థ కింద ప్రధాన పంటలైన వరి, వేరుశనగ, సోయాబీన్, పప్పులు, మొక్కజొన్న, జొన్న, బాజ్రా..., కూరగాయలు చేర్చారు. విత్తన నాణ్యత పరీక్షించడానికి దేశంలో నేషనల్ సీడ్ కార్పొరేషన్, ఎనాక్ట్‌మెంట్ ఆఫ్ ఇండియన్ సీడ్ యాక్ట్- 1956తో ప్రారంభమైంది.

ఈ పథకం సాధించిన విజయాలు

-విస్తీర్ణంలో పెరుగుదల: ఈ పథకం కింద 2014-15కుగాను 1.89 లక్షల ఎకరాల నుంచి 2016-17కు 2.28 లక్షల ఎకరాలకు పెంచారు.
-ఆన్‌లైన్ సీడ్ సర్టిఫికేషన్ విధానం: విత్తన ఉత్పత్తిదారుల్లో పారదర్శకత, జవాబుదారీతనం, తొందరగా విత్తనాలను చేర్చేలా దీన్ని ప్రారంభించారు. ఇలా ఆన్‌లైన్ సీడ్ సిర్టిఫికేషన్ విధానాన్ని ప్రారంభించడం దేశంలో మొదటిసారి.
-అంతర్జాతీయ సీడ్ సర్టిఫికేషన్: సుమారు 17 క్వింటాళ్ల హైబ్రీడ్ వరి విత్తనాలు, సోర్గం... విత్తనాలు ఈజిప్టు, సూడాన్, ఫిలిప్పీన్స్ వంటి దేశాలకు ఎగుమతి చేస్తున్నారు. ఇలా సోర్గం... విత్తనాలను ఎగుమతి చేస్తున్న రాష్ట్రం దేశంలో తెలంగాణ మొదటిదని చెప్పవచ్చు.
-మన తెలంగాణ, మన వ్యవసాయం: దీన్ని 2015 ఖరీఫ్ కన్నా ముందే ప్రారంభించారు. ఈ కార్యక్రమం కింద పశుసంపద, వ్యవసాయం మొదలైన విభాగాలకు చెందిన వారికి శిక్షణ కార్యక్రమాలు నిర్వహించారు. ఇందులో హైదరాబాద్ మినహా అన్ని జిల్లాలకు చెందినవారు పాల్గొన్నారు. ఇలా శిక్షణ పొందినవారు ప్రభుత్వం వ్యవసాయ సంక్షేమానికి తీసుకున్న చర్యలు, ఖరీఫ్, రబీ సీజన్లకు కావాల్సిన ప్రణాళికలను రైతులకు సమర్థవంతంగా వివరించారు.
-శిక్షణ, సందర్శించడం, నెలవారీ వర్క్ షాపులు: వీటి ద్వారా ప్రొఫెసర్ జయశంకర్ తెలంగాణ రాష్ట్ర వ్యవసాయ విశ్వవిద్యాలయంలో పరిశోధన సంస్థలను గుర్తించి అక్కడ శిక్షణ, సందర్శన నెలవారీ కార్యక్రమాలను ఏర్పాటు చేస్తున్నారు. ఇందులో విశ్వవిద్యాలయ ప్రొఫెసర్లు, శాస్త్రవేత్తలు ప్రస్తుత పంటల గురించి చర్చించి ఏవైనా సమస్యలు వస్తే వాటిని అధిగమించడానికి తగిన చర్యలు తీసుకోవాలి.

విత్తన భాండాగారం తెలంగాణ..

-వ్యవసాయ ఉత్పాదకత పెంచడంలో విత్తనం ప్రముఖపాత్ర పోషిస్తుంది. తెలంగాణలోని వాతావరణ పరిస్థితులు, నాణ్యతగల విత్తనాల ఉత్పత్తికి తోడ్పడుతుంది.
-దేశం మధ్య భాగంలో తెలంగాణ ఉండటం వల్ల అన్ని దిశల్లో మౌలికసదుపాయాల అభివృద్ధి చెందడం వల్ల విత్తన భాండాగారంగా అభివృద్ధి చెందడానికి అవకాశం ఉంది.
-ఇప్పటివరకు రాష్ట్రంలో 37.42 లక్షల క్వింటాళ్ల విత్తనాలు ఉత్పత్తి అయ్యాయి. అందులో వరి, హైబ్రీడ్ వరి, మొక్కజొన్న, పత్తి, శనగ వంటివి ఉన్నాయి.
-హైబ్రీడ్ వరి విత్తనాలు దేశంలో 90 శాతం వరంగల్, కరీంనగర్ జిల్లాల నుంచి, దేశానికి కావాల్సిన హైబ్రీడ్ జొన్న, సజ్జ విత్తనాలు నిజామాబాద్ జిల్లా నుంచి సప్లయ్ అవుతున్నాయి.
-రాష్ట్రంలో విత్తన రంగాన్ని బలోపేతం చేసేందుకు విత్తన రైతులకు గుర్తింపు కార్డులు అందివ్వనున్నారు. వారికి సంబంధించిన వివరాలు సేకరించి కంప్యూటర్‌లో నిక్షిప్తం చేస్తారు. దీని ఆధారంగా గ్రామాలు, జిల్లాలు, పంటల వారీగా విత్తనాలు సాగుచేసే రైతులకు సాంకేతిక శిక్షణ అందించాలని ప్రభుత్వం నిర్ణయించింది.

752
Tags

More News

VIRAL NEWS

Featured Articles

Health Articles