13 ఆగస్టు, 2017 ఆదివారం.. మీ రాశి ఫలాలు

Sun,August 13, 2017 06:27 AM

Daily horoscope for Sunday August 13, 2017

మేషం

మేషం : అదృష్టం కలిసివచ్చే రోజు. మీరు చాలా కాలం నుంచి ఎదురు చూస్తున్న పనులు ఒక కొలిక్కి వస్తాయి. మీ తోటి వారి నుంచి కానీ, సహోద్యోగుల నుంచి కానీ ప్రశంసలు, బహుమతి అందుకుంటారు. మానసికంగా కొంత ఆందోళన ఉన్నప్పటికీ, కుటుంబ సభ్యుల కారణంగా దాని నుంచి బయటపడ గలుగుతారు.

వృషభం

వృషభం : ఆరోగ్యం విషయంలో శ్రద్ధ అవసరం. వారు ముఖ్యంగా కంటికి సంబంధించిన సమస్యలతో బాధపడే అవకాశం ఉంటుంది. మానసికంగా ఆందోళనగా ఉంటుంది. అలాగే పని ఒత్తిడి అధికంగా ఉంటుంది. శివారాధన చేయడం మంచిది.

మిథునం

మిథునం : ఆహ్లాద కరమైన రోజు. ఇష్టమైన వారితో గడుపుతారు. బంధుమిత్రుల సమాగమం. వివాహాది శుభకార్యాల్లో పాల్గొనడం ..అలాగే పాత మిత్రులను కలవడం జరుగుతుంది. ఆర్థికంగా లాభిస్తుంది. ప్రయాణాలు చేసే అవకాశముంది. ఆవేశానికి, అత్యుత్సాహానికి లోనయ్యి అనవసర వివాదాల్లో తలదూర్చకండి.

కర్కాటకం

కర్కాటకం : ఈ రోజు అనుకున్న పనులు తక్కువ శ్రమతో పూర్తి అవుతాయి. చాలాకాలం నుంచి ఎదురుచూస్తున్న విషయంలో శుభవార్త వింటారు. మీ లక్ష్యం నెరవేరుతుంది. ధనలాభం కలుగుతుంది అలాగే రుచికరమైన భోజనం చేస్తారు. మీ స్నేహితులను కలుసుకుంటారు.

సింహం

సింహం : ఈ రోజు ఆరోగ్య విషయంలో శ్రద్ధ అవసరం. ఉదర లేదా ఛాతి సంబంధ సమస్యలు వచ్చే అవకాశముంటుంది. నిద్రలేమి కారణంగా మానసిక ప్రశాంతత ఉండదు. అలసట, నీరసం అధికంగా ఉంటాయి. మానసికంగా ఏదో కోల్పోయిన భావన ఉంటుంది. ఏ పని కూడా ఉత్సాహంగా చేయలేరు.

కన్య

కన్య : మీ సహోద్యోగులతో, పై అధికారులతో మంచిగా మెలగండి. వారితో గొడవలకు దిగడం మంచిది కాదు. అలాగే వారు చెప్పిన దానిని శ్రద్ధగా విని ఆచరించటానికి ప్రయత్నించాలి. కోపవేశాలకు లోనవటం వల్ల అనవసర సమస్యలకు గురయ్యే అవకాశముంటుంది.

తుల

తుల :ఈ రోజు మీ జీవిత భాగస్వామితో, పిల్లలతో ఆనందంగా గడుపుతారు. కుటుంబ సభ్యులతో కలిసి వినోదయాత్ర చేసే అవకాశముంది. ఆర్థికంగా సామాన్యదినం. ఖర్చు అధికంగా ఉంటుం ది. మీ సంతానం కారణంగా ఆనందం పొందుతారు. నూతన ఒప్పందాలు విజయవంతంగా పూర్తి చేస్తారు.

వృశ్చికం

వృశ్చికం : ఈ రోజు తలపెట్టిన కార్యాలు విజయవంతంగా పూర్తిచేయగలుగుతారు. దాని కారణంగా సమాజంలో గౌరవాన్ని, గుర్తింపును పొందుతారు. ఉద్యోగంలో మార్పు కానీ, పదోన్నతి కానీ ఉంటుంది. మానసికంగా ఉత్సాహంగా ఉంటారు. శతృవులపై లేదా ప్రత్యర్థులపై విజయం సాధిస్తారు.

ధనుస్సు

ధనుస్సు : ఆర్థికంగా కొంత ఇబ్బందిని కలిగించే రోజు. ధన నష్టం కానీ, అనవసరమైన ఖర్చు కానీ ఉంటుంది. పెట్టుబడులకు అనుకూలమైన రోజు కాదు. ఎవరికి కూడా డబ్బువిషయంలో మాట ఇచ్చి ఇబ్బంది పడకండి. ఆర్థిక నియంత్రణ అవసరం.

మకరం

మకరం : ఆరోగ్య విషయంలో ఈ రోజు కొంత జాగ్రత్త అవసరం. కడుపు నొప్పి కానీ, ఛాతిలో మంటతో కానీ బాధపడే అవకాశముంటుంది. ఆహారం విషయంలో జాగ్రత్త అవసరం. బయటి భోజనం చేయకండి. అలాగే మీ కుటుంబ సభ్యులలో ఒకరి ఆరోగ్యం కూడా మీకు ఆందోళన కలిగించే అవకాశం ఉన్నది.

కుంభం

కుంభం : ఈ రోజు ఆర్థికంగా కలిసి వస్తుంది. పెట్టుబడుల నుంచి లాభాలు వస్తాయి. అలాగే మొండి బకాయిలు వసూలవుతాయి. భూ సంబంధ లావాదేవీలు చేస్తారు. కుటుంబ సభ్యుల సహాయ, సహకారాలు అందుతాయి.

మీనం

మీనం : ఈ రోజు పనుల్లో ఆటంకాలు ఎక్కువగా ఉంటాయి. ఆటంకాలు వచ్చినా ప్రయత్నం మానకండి. కొద్ది శ్రమతో ఆ పనిని పూర్తి చేయగలుగుతారు. ఆఫీస్‌లో పని ఒత్తిడి ఎక్కువగా ఉంటుంది. ఓపికతో మెలగాల్సిన సమయం. మానసికంగా ఓటమిని ఒప్పుకోకండి, విజయం మీ వశమవుతుంది.

5023
Follow us on : Facebook | Twitter

More News

VIRAL NEWS