ఆక్రమిత కశ్మీర్ మీదుగా పాక్- చైనా బస్సు సర్వీస్ ప్రారంభం

Wed,November 7, 2018 02:10 AM

China to Pakistan bus service through PoK launched

ఇస్లామాబాద్, నవంబర్ 6: భారత్ అభ్యంతరాలను తోసిరాజంటూ పాక్ ఆక్రమిత కశ్మీర్ (పీవోకే) మీదుగా చైనా, పాకిస్థాన్ మధ్య సోమవారం రాత్రి బస్సు సర్వీసు ప్రారంభమైంది. పాకిస్థాన్‌లోని లాహోర్‌లో ఉన్న గుల్బర్గ్ ప్రాంతం నుంచి పీవోకే మీదుగా చైనా జిన్‌జియాంగ్ రాష్ట్రం కష్ఘర్ నగరానికి తొలి బస్సు సర్వీసు నడిచింది. చైనా- పాకిస్థాన్ ఎనకమిక్ కారిడార్ (సీపీఈసీ) ప్రాజెక్టులో భాగంగా పాక్, చైనా ఈ బస్సు సర్వీసును నడుపుతున్నాయి. తొలుత నిర్ణయించిన షెడ్యూల్ ప్రకారం శనివారం నాడే బస్సు సర్వీసు ప్రారంభించాల్సి ఉంది. కానీ దైవదూషణకు పాల్పడినట్లు ఆరోపణలు ఉన్న మహిళ అసియా బీబీని పాక్ సుప్రీంకోర్టు నిర్దోషిగా ప్రకటించడంతో దేశమంతటా తీవ్ర నిరసనలు వెల్లువెత్తాయి. దీంతో సదరు బస్సు సర్వీసును సోమవారం రాత్రి ప్రారంభించారు. పాక్ ఎకనమిక్ ఫొరం చైర్మన్ ఇక్బాల్ షమీ ఈ సందర్భంగా మాట్లాడుతూ రెండు దేశాల సంబంధాల్లో ఇది చాలా మంచి రోజని పేర్కొన్నారు. పీవోకే మీదుగా పాక్- చైనా మధ్య బస్సు సర్వీసు నిర్వహించడంపై భారత్ తీవ్ర నిరసన తెలిపింది.

1478
Follow us on : Facebook | Twitter

More News

VIRAL NEWS

Featured Articles