లివ‌ర్ చెడిపోయేందుకు ముఖ్య కార‌ణాలివే..!

Wed,April 19, 2017 11:13 AM

మ‌న శ‌రీరంలో లివ‌ర్ అత్యంత పెద్ద‌దైన అవ‌య‌వం. ఇది చేసే ప‌నులు ఎంతో ముఖ్య‌మైన‌వి. మ‌నం తిన్న ఆహారాన్ని జీర్ణం చేయాల‌న్నా, శ‌రీరానికి శ‌క్తి స‌రిగ్గా అందాల‌న్నా, విష ప‌దార్థాలు బ‌య‌టికి వెళ్లాల‌న్నా లివ‌ర్ ఎంతో ముఖ్య‌పాత్ర పోషిస్తుంది. అయితే నేటి త‌రుణంలో మ‌నం తింటున్న అనేక ఆహార ప‌దార్థాలు, ప‌లు వ్యాధులు, అల‌వాట్లు లివ‌ర్ చెడిపోవ‌డానికి కార‌ణ‌మ‌వుతున్నాయి. వాటి గురించి ఇప్పుడు తెలుసుకుందాం.

1. చ‌క్కెర లేదా తీపి అధికంగా ఉన్న ఆహార ప‌దార్థాల‌ను ఎక్కువ‌గా తీసుకోవ‌డం వ‌ల్ల కాలేయం దెబ్బ తింటుంది. చ‌క్కెరను అతిగా తింటే అది శ‌రీరానికి ఉప‌యోగం కాదు స‌రిక‌దా, అది మొత్తం లివ‌ర్‌లోనే పేరుకుపోయి కొవ్వుగా మారుతుంది. దీంతో కొంత కాలానికి లివ‌ర్ ప‌నితీరు మంద‌గించి అది చెడిపోతుంది.

2. నేటి త‌రుణంలో ఆహార ప‌దార్థాల‌ను రుచిగా అందించ‌డానికి వాటిలో మోనోసోడియం గ్లుట‌మేట్ అనే ప‌దార్థాన్ని ఎక్కువ‌గా క‌లుపుతున్నారు. దీంతో ఈ ప‌దార్థం ఉన్న ఆహారాన్ని తిన్న‌ప్పుడు అది మ‌న శ‌రీరంలోకి ఎక్కువ‌గా చేరుతోంది. దీని ప్రభావం ఎక్కువ‌గా ప‌డ‌డంతో లివ‌ర్ చెడిపోతోంది.

3. విట‌మిన్ ఎ ఉన్న ఆహారం తీసుకుంటే కంటి సంబంధ స‌మ‌స్య‌లు ఉండ‌వ‌ని అంద‌రికీ తెలిసిందే. అయితే ఈ విట‌మిన్ శ‌రీరంలో మోతాదుకు మించినా దాని ప్ర‌భావం లివ‌ర్‌పై ప‌డుతుంద‌ట‌. దీంతో లివ‌ర్ ఆరోగ్యం నాశ‌న‌మ‌వుతుంద‌ట‌.

4. కూల్‌ డ్రింక్స్ ఎక్కువగా తాగడం వల్ల కూడా కాలేయం త్వరగా చెడి పోతుంది. కూల్‌ డ్రింక్స్ లో ఉండే పదార్థాలు కాలేయాన్ని పని చేయకుండా చేస్తాయి.

5. ఉప్పు ఎక్కువగా తినడం వల్ల శరీరంలో ద్రవాల శాతం అధికంగా పెరుగుతుంది. దాంతో కాలేయ సంబంధిత వ్యాధులు వస్తాయి. ఉప్పువల్ల రక్తపోటు కూడా వస్తుందనే విషయం తెలిసిందే.

6. చిప్స్‌ వంటి ఆహార ప‌దార్థాల‌ను ఎక్కువగా తిన్నా వాటిలో ఉండే విష‌పూరిత‌మైన ప‌దార్థాలు లివ‌ర్ ఆరోగ్యంపై ప్ర‌భావాన్ని చూపుతాయి. కాబ‌ట్టి వాటికి కూడా దూరంగా ఉండ‌డం మంచిది.
fatty-liver
7. అధిక బ‌రువు ఉన్న‌వారు కూడా లివ‌ర్ ఆరోగ్యం ప‌ట్ల జాగ్ర‌త్త వ‌హించాలి. శ‌రీరంలో కొవ్వు ఎక్కువ‌గా పేరుకుపోతే ఫ్యాటీ లివ‌ర్ డిసీజ్ వ‌చ్చేందుకు అవ‌కాశం ఉంటుంది. కొన్ని సంద‌ర్భాల్లో లివ‌ర్ ఫెయిల్ అవుతుంది కూడా.

8. డ‌యాబెటిస్ స‌మ‌స్య‌తో బాధ‌ప‌డే వారికి లివ‌ర్ వ్యాధులు వ‌చ్చే అవ‌కాశం 50 శాతం వ‌ర‌కు ఉంటుంది.

9. ఉప్పు ఎక్కువ‌గా తింటే దాంతో బీపీ పెరిగి అది ఫ్యాటీ లివ‌ర్ వ్యాధికి దారి తీస్తుంది. క‌నుక ఉప్పును చాలా త‌క్కువ‌గా తిన‌డం మంచిది.

10. యాంటీ డిప్రెస్సెంట్స్‌, మూడ్ స్టెబిలైజ‌ర్స్‌, కార్టికోస్టెరాయిడ్స్‌, పెయిన్ రిలీవ‌ర్స్ వంటి ప‌లు ర‌కాల మెడిసిన్‌ల‌ను దీర్ఘ కాలం వాడినా లివ‌ర్ ఆరోగ్యం దెబ్బ తింటుంది. డాక్ట‌ర్ల సిఫార‌సు లేకుండా సొంతంగా మందుల‌ను వాడినా లివ‌ర్ ఆరోగ్యం దెబ్బ తింటుంది.

11. క్యాన్స‌ర్ చికిత్స కోసం చేసే కీమోథెర‌పీ వ‌ల్ల కూడా లివ‌ర్ చెడిపోతుంది.

12. హెపటైటిస్ ఎ, బి, సి వంటి వ్యాధులు వ‌చ్చిన‌ప్పుడు స‌రైన స‌మ‌యంలో స్పందించి చికిత్స చేయించుకోకపోయినా లివ‌ర్ ఆరోగ్యం దెబ్బ తింటుంది.

13. పేగుల్లో ఇన్‌ఫెక్షన్లు ఏర్ప‌డి అవి తీవ్ర‌త‌ర‌మైనా లివ‌ర్ చెడిపోయేందుకు అవ‌కాశం ఉంటుంది.

14. క్రిమి సంహారక మందుల‌ను వాడి పండించిన కూర‌గాయ‌లు, పండ్ల‌ను తింటే వాటితో ఆ మందులు కూడా మ‌న శ‌రీరంలోకి వెళ్తాయి. అప్పుడు ఆ మందులు లివ‌ర్‌పై ప్రభావం చూపిస్తాయి.

liver-foods

లివర్ ఆరోగ్యంగా ఉండాలంటే ఇలా చేయాలి...



1. కొవ్వు అధికంగా ఉన్న ఆహారం, జంక్ ఫుడ్స్ తినడం మానేయాలి.

2. ఎత్తుకు తగిన బరువు ఉండేలా చూసుకోవాలి.

3. సేంద్రీయ ఎరువులతో పండించిన పండ్లు, కూరగాయలతో పాటు ధాన్యాలను ఎక్కువ‌గా తినాలి.

4. నిత్యం కనీసం 30 నిమిషాల పాటు అయినా వ్యాయామం చేయాలి.

5. డాక్టర్ల సూచన మేరకే మందులను వాడాలి. కొందరు ఒకటి కన్నా ఎక్కువ వ్యాధుల కోసం మందులు వాడుతారు. అలాంటి స్థితిలో వారు ఎలాంటి మందులు వాడుతున్నారో కచ్చితంగా డాక్టర్లకు చెప్పాలి.

6. పరిశుభ్రమైన నీరు తాగాలి. ఆహారం కూడా శుభ్రంగా ఉండేలా చూసుకోవాలి. రోజుల తరబడి ఫ్రిజ్‌లలో ఆహారం నిల్వ చేసి తినరాదు.

7. రేజర్లు, బ్లేడ్లు, సూదులు ఒకరు వాడినవి వేరే వారు వాడరాదు.

8. టాటూలు వేయించుకునేటప్పుడు, పియర్సింగ్ చేయించుకునేటప్పుడు జాగ్రత్తగా ఉండాలి.

9. కాఫీ, టీలకు బదులుగా కొబ్బరి నీళ్లు, పళ్ల రసాలు తాగడం అలవాటు చేసుకోవాలి. ఇవి లివర్‌ను శుభ్రం చేస్తాయి.

10. మద్యపానం, ధూమపానం మానేయాలి.

11. ఎప్పటికప్పుడు బీపీ, బ్లడ్ షుగర్, ఫ్యాట్, కొలెస్ట్రాల్ స్థాయిలను చెక్ చేయించుకోవాలి.

5660

More News

మరిన్ని వార్తలు...