జాతీయ బీసీ కమిషన్ కర్తవ్యాలు

Thu,July 11, 2019 11:51 PM

102వ రాజ్యాంగ సవరణతో జాతీయ బీసీ కమిషన్, జాతీయ ఎస్సీ కమిషన్ వలె పూర్తిస్థాయి రాజ్యాంగ ప్రతిపత్తికి నోచుకు న్నది. తమ పరిధిలోని విషయాల్లో జాతీయ బీసీ, ఎస్సీ కమిషన్ ఎన్నో కర్తవ్యాలు నిర్వహించాల్సి ఉన్నది. సమస్త రంగా ల్లో బీసీ, ఎస్సీ, ఎస్టీలకు సామాజిక న్యాయం, సమానావకాశాలు, రాజ్యాంగ మౌలిక లక్ష్యాలు నిర్దేశిత రిజర్వేషన్లు, అవకాశాలు అందుతున్నాయో లేదో పర్యవేక్షిస్తూ, ఆ లక్ష్యాలను పూర్తిచేయాల్సిన బాధ్యత ఈ కమిషన్‌పై ఉన్నది. అందుకు రాజ్యాంగం కల్పించిన అధికారాలను విస్తృతంగా ఉపయోగించుకున్నప్పుడే ఇది సాధ్యపడుతుంది. రాజ్యాంగ సవరణ కన్నా ముందే తెలంగాణ సీఎం కేసీఆర్ తెలంగాణ బీసీ కమిషన్‌కు రాజ్యాంగబద్ధమైన హోదా కల్పిస్తూ చట్టసవరణ చేశారు. నూతనంగా ఏర్పడిన రాష్ట్రమైనప్పటికీ దేశానికి ఆదర్శంగా వందలాది అభివృద్ధి, సంక్షేమ పథకాలు, పారిశ్రామిక అభివృద్ధి, కులవృత్తుల ఆధునీకర ణతో సగటు ఆదాయం పెరిగి ప్రభుత్వ ఆదాయం పెరుగుతూ వస్తున్నది. కేసీఆర్ ప్రవేశపెట్టిన దేశానికే ఆదర్శంగా నిలిచిన బీసీ, ఎస్సీ, ఎస్టీ, మైనారిటీ రెసిడెన్షియల్ పాఠశాలలు, ఓవర్సీస్ విదేశీ చదువులకు రెండేండ్ల పాటు ఆర్థికసాయం ఎంతో ప్రాధాన్యమైనవి. బీసీ, ఎస్సీ, ఎస్టీలకు సంబంధించిన ప్రజాస్వామిక హక్కులతో పాటు భారత రాజ్యాంగంలోని 15, 16, 31బీ, 46, 330, 338, 338 ఏ, 338బీ, 339, 340, 341, 34 2 ఆర్టికల్స్ ప్రధానమైనవి. ఇవి బీసీ, ఎస్సీ, ఎస్టీలను ప్రత్యేక శ్రద్ధతో సమ స్థరంగాల్లో అభివృద్ధి పర్చడానికి రాజ్యాంగంలో చేర్చబడ్డాయి. గ్రామీణ స్థాయి దాకా ఈ ఆర్టికల్స్ పట్ల, ప్రజాస్వామిక హక్కుల పట్ల అవగాహన కలిగించే చిన్నచిన్న పుస్తకాలను ప్రాంతీయ భాషల్లో ప్రచురించి కోట్లాది ప్రజలకు చేరేటట్టు చేయడం అవసరం.

నియోజకవర్గాల వారీగా లోక్‌సభ, శాసనసభసభ్యులు ఎన్నిక కావడం మౌలిక ప్రజాస్వామ్య సూత్రం. ఈ సూత్రాన్ని ప్రభుత్వ ఉద్యోగులకు, అధ్యాపకులకు, న్యాయమూర్తులకు కూడా వర్తింపజేసినప్పుడు మాత్రమే ప్రజాస్వామ్యంలోని మూడు మూలస్తంభాలైన శాసనవ్యవస్థ, పరిపాలనా వ్యవస్థ, న్యాయవ్యవస్థ అనేవి పూర్తిస్థాయిలో ప్రజాస్వామ్యయుతంగా కొనసాగుతాయి.


దేశంలోని అన్ని విద్యాసంస్థల్లో ప్రైవేటు, ప్రభుత్వ, కేంద్ర, రాష్ట్ర విద్యాసంస్థల్లో, ఉద్యోగ రంగాల్లో, పారిశ్రామిక, ఆర్థిక, వ్యాపారరంగాల్లో బీసీ, ఎస్సీ, ఎస్టీ సామాజికవర్గాల దామాషా ఏ మేరకు ఉందో ఆరు నెలలకు ఓ సారి లెక్కలు తీయడం అవసరం. బీసీ, ఎస్సీ, ఎస్టీలు కూడా 50 శాతం రిజర్వేషన్లు అమలు జరుపడానికి ఎప్పటికప్పుడు ఈ వివరాలను అన్నిశా ఖల నుంచి తెప్పించడం, ఖాళీలను రోస్టర్ ప్రకారంగా భర్తీ చేయడం గురించి ఆదేశాలు జారీచేయడం అవసరం. జాతీయ బీసీ కమిషన్, ఎస్సీ కమిషన్ రిజర్వేషన్ల గురించి ఎక్కువ ప్రాధాన్యం ఇచ్చినప్పుడే 50 శాతం మేరకు రిజర్వేషన్లు పూర్తిస్థాయిలో అమల్లోకి వస్తాయి. ఓపెన్ కాంపిటీషన్‌లో, జనరల్ కేటగిరిలో 7-11 శాతం దాకా బీసీ, ఎస్సీ, ఎస్టీలు సాధించ గలుగుతున్నారు. కనుక వాటిని జనరల్ కేటగిరిలో నింపేటట్టు చూసి 50 శాతం రిజర్వేషన్లు అమలయ్యేట్టు చూస్తే బీసీ, ఎస్సీ, ఎస్టీలు 57-61 శాతం దాకా విద్యా, ఉద్యోగ, పారిశ్రామిక, వ్యాపార, రాజకీయరంగాల్లో ఎదుగుతారు. యాభై శాతం రిజర్వేషన్ల కోసం జాతీయస్థాయిలో, రాష్ట్ర స్థాయిలో ప్రత్యేక పబ్లిక్ సర్వీస్ కమిషన్ ఏర్పాటుచేయడం అవసరం. లేదా ప్రస్తుతం ఉన్న కేంద్ర, రాష్ట్ర పబ్లిక్ సర్వీస్ కమిషన్‌లో ఈ యాభై శాతం రిజర్వేషన్లు పూర్తిస్థాయిలో నియామకాలు చేయడానికి సగం సిబ్బందిని అందులోనే ఒక విభాగంగా ఏర్పర్చడం అవసరం. జాతీయస్థాయి విశ్వవిద్యాలయాల్లో, ఉన్నత విద్యాసంస్థల్లో కేంద్రం ప్రకారం బీసీలకు 27 శాతం రిజర్వేషన్లను, రాష్ట్రం ప్రకారమైతే 29 శాతం రిజర్వేషన్లను అమలుజరుపాలి. అలా అమలు జరుపకపోవడం విచారకరం. బీసీ, ఎస్సీ, ఎస్టీలకు చెందాల్సిన యాభై శాతం రిజర్వేషన్లు పరిపూర్తి చేయడానికి బ్యాక్‌లాగ్ పోస్ట్‌లుగా భావించి రిటైరవుతున్న వారి స్థానం లో 27 శాతం బీసీలు నింపే దాక కేవలం బీసీలనే తీసుకునేవిధంగా చర్య లు చేపట్టాలి. అలాగే 15 శాతం ఎస్సీలు నింపేదాక చర్యలు చేపట్టాలి.

పారిశ్రామికరంగంలో ఇచ్చే అవకాశాలు బీసీ, ఎస్సీ, ఎస్టీలకు అందాల్సిన అప్పులు, సౌకర్యాలు, సబ్సిడీలు, గ్రాంట్‌లు గురించి డిక్కీ వంటి, ఫిక్కీ వంటి సంస్థల ద్వారా వివరాలు సేకరించి సమతుల్యం సాధించేవిధంగా 50 శాతం మేరకైనా సంపద బీసీ, ఎస్సీ, ఎస్టీ పారిశ్రామికవేత్తల, వ్యాపారవేత్తల కాంట్రాక్టర్ల, రియల్ ఎస్టేట్ సంస్థల చేతుల్లోకి చేరేవిధంగా కృషిచేయాలి. అప్పుడే ప్రైవేటురంగంలో కూడా బీసీ, ఎస్సీ, ఎస్టీలకు ఉపా ధి అవకాశాలు కనీసం 50 శాతమైనా పెరుగుతాయి. అన్నిస్థాయిల్లో జాతీ య బీసీ కమిషన్, ఎస్సీ కమిషన్‌ల కార్యక్రమాలు విస్తరించడం అవసరం. అందుకు ప్రతి జిల్లాలో ఆయా రాష్ర్టాల బీసీ, ఎస్సీ, ఎస్టీ కమిషన్‌ల కార్యాలయాలు, సిబ్బంది ఏర్పాటుచేయడం, రాష్ట్ర కమిషన్‌ల ఛైర్మన్‌ల నీతి ఆయోగ్‌లో వలె ఆయా రాష్ర్టాల ఛైర్మన్లు సమానహక్కు గల సభ్యులుగా ఉండేవిధంగా రాజ్యాంగ సవరణ, చట్టసవరణ అవసరం. అప్పుడే జాతీ య కమిషన్లకు, రాష్ట్ర కమిషన్లకు సమన్వయం ఏర్పడుతుంది. మెడికల్, ఇంజినీరింగ్ పరీక్షలను రాష్ర్టాల స్థాయి నుంచి, జాతీయ స్థాయికి తీసుకువెళ్ళి నీట్ పరీక్షలు నిర్వహిస్తున్నారు. అలాగే రైల్వే, బ్యాం కు, ఎల్‌ఐసీ వంటి అనేక ప్రభు త్వరంగ సంస్థలకు జాతీయస్థాయి పరీక్షలు నిర్వహిస్తున్నారు. ఓపెన్ కాంపిటీషన్‌లో, జనరల్ కేటగిరిలో ఎంపికై న బీసీ, ఎస్సీ, ఎస్టీ విద్యార్థులను, ఉద్యోగార్థు లను ైస్లెడింగ్‌లో బీసీ రిజర్వేషన్లకు కోరుకున్న కాలేజీకి, శాఖలకు ఆప్షన్ ఇచ్చినప్పుడు బీసీ సీటు తీసుకున్న సందర్భంగా జనరల్ కేటగిరిలో బీసీ, ఎస్సీలు ఖాళీచేసిన సీట్లలో బీసీ, ఎస్సీ, ఎస్టీలను తీసుకోకుండా జనరల్ కేటగిరిగా తీసుకుంటున్నారు.
BS-Ramulu
దానివల్ల బీసీ, ఎస్సీ, ఎస్టీలకన్నా తక్కువ మార్కులు వచ్చినవారు జనరల్ కేటగిరిలో ఎన్నికవుతూ బీసీ, ఎస్సీలు, వేలాది సీట్లు, ఉద్యోగాలు కోల్పోవడం జరుగుతున్నది. కంప్యూటర్ ద్వారా జరుగుతున్న ఈ మోసాన్ని సరిచేయడం అందరి బాధ్యత. నియోజకవర్గాల వారీగా లోక్‌సభ, శాసనసభసభ్యులు ఎన్నిక కావడం మౌలిక ప్రజాస్వామ్య సూత్రం. ఈ సూత్రాన్ని ప్రభుత్వ ఉద్యోగులకు, అధ్యాపకులకు, న్యాయమూర్తులకు కూడా వర్తింపజేసినప్పుడు మాత్రమే ప్రజాస్వామ్యంలోని మూడు మూలస్తంభాలైన శాసనవ్యవస్థ, పరిపాలనా వ్యవస్థ, న్యాయవ్యవస్థ అనేవి పూర్తిస్థాయిలో ప్రజాస్వామ్యయుతంగా కొనసాగుతాయి. అందువల్ల నియోజకవర్గాల వారీగా కేంద్ర, రాష్ట్ర ప్రభు త్వ ఉద్యోగాలు, సుప్రీంకోర్టు, హైకోర్టు, జిల్లాకోర్టు న్యాయమూర్తులు, సైని క నియామకాలు మొదలైనవన్నీ నియోజకవర్గాల వారీగా ఎంపిక చేసినప్పుడే జాతీయ సమైక్యత వెల్లివిరుస్తుంది. అసమానత్వం, వివక్ష వంటి సవాళ్లను సమస్యలను పరిష్కరించి స్వేచ్ఛా సమానత్వం, సౌభ్రాతృత్వం, ఆత్మగౌరవం అందరికి సమాన అవకాశాలు అందుకునే ప్రత్యేక ఏర్పాట్లు చేయాలి. సామాజిక, సాంఘిక సమానత్వం సాకారం కావడానికి కంకణబద్ధులై రాజ్యాంగం ఇచ్చిన హక్కులు, అధికారాలతో ముందుకుసాగడమే జాతీయ బీసీ, ఎస్సీ, ఎస్టీ కమిషన్‌ల ప్రథమ కర్తవ్యం.

340
Tags

More News

VIRAL NEWS

Featured Articles

Health Articles