బానిసకొక బానిసకొక బానిస


Sat,August 20, 2011 11:29 PM

-అల్లం నారాయణ



‘పీనుగుల మీద పేలాలు ఏరుకునే జాతి ఏదన్నా ఉన్నదంటే అది మన మంత్రుల జాతే’
ఇటీవల నాకొచ్చిన మెసేజ్ సారాంశం ఇది. ‘అంత‘హార్ష్’గ అంటే ఎట్లా’... నా సమాధానం కాని ప్రశ్న. దానికి అవతలి వ్యక్తి ‘మీరు కూడా అట్లంటే ఎట్ల సార్! అన్నీ తెలిసి. ఇవతల మనుషులు చనిపోతుంటే వాళ్లకు పంద్రాగస్టులు, క్యాబినెట్లు కావల్సి వచ్చాయా? వాళ్లనేం చేసినా తప్పులేదు. మీరు సమర్థించకం డి’.. మళ్లీ కొట్టొచ్చినట్టు మెసేజ్. నిజమే. తెలంగాణ కాంగ్రెస్ మంత్రుల రాజీనామాలు అవి ఉత్తుత్తవే కావొచ్చు. కానీ తెలంగాణ ప్రజలు ఉద్యమానికి ఒక ఊతం గా భావించారు. కానీ, వాళ్లే మళ్లీ రాజీనామాలు అట్లా పక్కనబెట్టి అంతకు ముందు ఏమీ జరగనట్టు పంద్రాగస్టు వేడుకలకు వెళ్లి, ఒకే ఒక్క కోమటిడ్డి తప్ప మంత్రులు మొత్తం క్యాబినెట్‌కు వెళ్లే సరికి జనాలకు సహజంగానే పుండు మీద కారం రాసినట్టువుతున్నది. మంట మండుతున్నది. ఇజ్జత్ లేదు.

అనే మాట తెలంగాణల తరచూ వాడే మాట. అదిప్పుడు మంత్రుల పట్ల చిన్న మాటైపోయి పీనుగులు-పేలాల దాకా వచ్చింది. సిగ్గుందా? అని అడిగిండు నాగం. కానీ ప్రజలు అంతకన్నా ఎక్కువే అడుగుతున్నరు. ‘పదిరోజులు పదవిలేకపోతే బతకలేరు మీరా మాట్లాడేది’ అని లగడపాటి అన్నడు. నిజమే పదవి లేకపోతే మేమేడ బతుకుతమని బందెలదొడ్లె స్వచ్ఛందంగా సొచ్చిన పశువుల్లాగా మంత్రులు క్యాబినెట్‌లోకి స్వచ్ఛందంగా వెళ్లారు. ఐచ్ఛిక, రాజకీయ మరణాలని ఎవరు మాత్రం నివారించగలరు. ఒకవేపు వందల ఆత్మహత్యలు, గుండె పగిలిన తెలంగాణ. కాంగ్రెస్ జాతీయ పార్టీ విశ్వాస ఘాతుకం. అదే పార్టీ మంత్రులది తెలంగాణ పట్ల ఇదీ కథ. ఒక పరాధీన బాంచెల కథ. కేంద్ర కాంగ్రెస్ మోసాల కథ విలీనం నుంచి ఇప్పటిదాకా సాగుతూ వస్తున్నది. బహుశా ఏకాభివూపాయం సాధించండి. మీది మీరే తేల్చుకోండి. అసెంబ్లీ తీర్మానం లాంటి మాటలను చిదంబరం పార్లమెంటు లో ప్రవచించిన తీరు కాంగ్రెస్ పార్టీ భవిష్యత్ మోసానికి కూడా సూచికగా అనుకోవచ్చు.

ఆర్టికల్3ని కాదని, అసెంబ్లీ తీర్మానాలు, టిరనీ ఆఫ్ మెజారిటీని తెలంగాణ మీద తోల్తున్నారం కాంగ్రెస్ పార్టీ విలీనం నాటి, ఆ తర్వాతి అన్ని ఉద్యమాల నాటి ద్రోహ బుద్ధినే ప్రదర్శిస్తున్నదని అర్థం. ఇసుమంత మారని ఈ కాంగ్రె స్ బుద్ధి వెనుక ఏముంటుంది కనుక... అధికార దాహం. రాజకీయ ప్రయోజనా లు. ధనకాంక్ష, నయా పెట్టుబడిదారులకు కొమ్ముకాసే తత్వం. బహుశా ఈ తత్వ మే మన బాంచెలను కూడా క్యాబినెట్‌కు పంపించి ఉంటుంది. లగడపాటి రాజగోపాల్‌కు ఆ విశ్వాసం ఎక్కడిది? తెలంగాణ మంత్రుల స్వభావాన్ని ఆయన అట్లా అంచనా ఎలా కట్టగలిగారు. తావీజ్ మహిమ కాదు. లగడపాటి రాజకీయ వివేచనాశక్తి గలవాడు కూడా కాదు. కానీ అతనొక బేపారి. కలలను ఎట్లా కొనా లో, ఎట్లా అమ్మాలో తెలిసిన బేపారి. తమ మోచేతి నీళ్లు తాగకుండా ఎక్కడికి పోతారని ఆయనకు బాగా తెలుసు. మోచేతి నీళ్లు తాగడానికి అలవాటుపడి ఉన్నవాళ్ల బలహీనతలు కూడా బాగా తెలుసు.

అందువల్లనే కదా! రాజగోపాల్ అన్న మాటను అతితొందరగా నిజం చేసి చూపించారు మంత్రులు. ప్రాణం పోతున్నా సరే. మానం పోతున్నా సరే. మంది చస్తున్నా సరే. తెలంగాణ ప్రజలందరూ ఇగ మా వల్ల కాదు. మాకు ఒక తెలంగాణ పరిష్కారం అంటున్నా సరే.. మన తెలంగాణ మంత్రులకు మాత్రం పదవులు, దానివల్ల వచ్చే అధికారమదం, రాలే ఎంగిలి మెతుకులు, శవాల మీద ఏరుకునే నాణేలు కనబడ్తుండడం యాధృచ్ఛికం కాదు. ‘నమ్మి నానబోస్తే పుచ్చి బుర్రలైనయి’ అని సామెత. నిజానికి తెలంగాణ ప్రజలు ఆనాడు, ఈనాడు కాంగ్రెస్ ను తెలంగాణ ఇస్తారన్న విషయంలో నమ్మలేదు. పండిట్ జవహర్‌లాల్ నెహ్రూ అమాయకపు తెలంగాణ అననైతే అన్నడు కానీ, ఏ ఒత్తిళ్లకు లొంగాలో వాటికి లొంగి తెలంగాణ ప్రజల ఆకాంక్షలకు, ఫజల్ అలీ కమిషన్ సిఫార్సులకు వ్యతిరేకంగా విలీనం నిర్ణయం తీసుకుని మొదటి మోసం చేసిండు.

విలీనం అయిన మరుసటి దినం నుంచే ఇదే కాంగ్రెస్ పార్టీ అన్ని ఒప్పందాలను, అన్ని సూత్రాల ను, తెలంగాణ, ఆంధ్ర, ప్రజలను కలిపి ఉంచాల్సిన షరతులను గంపగుత్తగా తొక్కి ఆధిపత్య భావజాలంతో వలసగా మార్చారు. 1969లో తెలంగాణ రోసిపోయి, మా కొలువులు మాకే దక్కాలని పోరుబాట పడ్తే కాసు బ్రహ్మానందడ్డి, ఇందిరాగాంధీలు 369 మందిని చంపి ఉద్యమాన్ని నెత్తురు ముంచా రు. దేశ సమక్షిగత, సమైక్యత అని చిలుకపలుకులు పలికిన ఇందిరాగాంధీ తెలంగాణ ప్రజల నెత్తురు కండ్ల జూసింది. కని తెలంగాణ ఇవ్వలేదు. ఉన్న చెన్నాడ్డిని లొంగుటాన ఏసుకుని, తెలంగాణ ఆకాంక్షలను మంట్లె కలిపేసిన చరిత్ర, ద్రోహం, నలభై రెండు సంవత్సరాల మానని గాయం. ఇక అప్పటి నుంచీ కాంగ్రెస్ వాళ్ల రాజకీయ ప్రయోజనాలు నెరవేరనప్పుడు, అధికారం అందని పండైనప్పుడు తెలంగాణను తడవతడవలుగా తలకెత్తకున్నది. తెలంగాణ ఎమ్మెల్యేలు తెలంగాణకు అన్యాయం జరిగిందని అంగలార్చింది అధికారంలో లేనప్పుడు. చంద్రబాబు రాజ్యమేలుతున్నప్పుడు.

ఆ తర్వాత సమైక్యవాది అని గొప్పలు కొట్టుకు నే వై.ఎస్., దేశ సమక్షిగత గురించి మాట్లాడే సోనియాగాంధీ, టీఆర్‌ఎస్‌తో పొత్తుపెట్టుకుని, ఎన్నికలు గెలిచి , తెలంగాణను బోడమల్లన్న చేసింది. ఆ తర్వాత సీఎంపీలో, రాష్ట్రపతి భాషణలో, తెలంగాణ పేరు చెప్పి మోసం చేసి ఇట్లా ఎట్లా పడితే అట్లా తెలంగాణ ప్రజలను కించపర్చింది. తద్వారా తెలంగాణ ప్రజల ప్రజాస్వామిక ఆకాంక్షలను భంగపరిచిందీ కాంగ్రెస్ పార్టీయే. చివరకు టీఆర్‌ఎస్ అధినేత కేసీఆర్ నిరాహారదీక్ష పెల్లుబికిన తెలంగాణ చైతన్యం, వీరత్వం చూపిన విద్యార్థిలోకం, సకల జనుల చైతన్యం చూసి డిసెంబర్ 9 ప్రకటన చేసింది కాంగ్రెస్ పార్టీ యే. అదే పార్టీ ఇప్పుడు నాలుక తిరగేసి ఇజ్జత్‌లేని ప్రకటనలు చేసింది. సోనియాగాంధీ జన్మదిన కానుక అంటే మురిసిముక్కలైతిమి.

కాంగ్రెస్ పార్టీని నమ్మి నానబోస్తే అదే చిదంబరం ఇప్పుడు అదే పార్లమెంటులో ఏకాభివూపాయం అని, రాజ్యాంగం దఖలు పరిచిన కేంద్రం హక్కును వదులుకొని ఆంధ్ర మెజారిటీకి తెలంగాణను బలిపెడ్తున్నాడంటే దేనివల్ల? అసలు తెలంగాణ అనే ఒక స్వేచ్ఛా ఆకాంక్షకు అరవై సంవత్సరాలుగా అడ్డుతగులుతున్నది కాంగ్రెస్ పార్టీయే. కానీ.. రాజకీయ ప్రక్రియ ద్వారా మాత్రమే తెలంగాణ సాధ్యం కనుక. దానికి కాంగ్రెస్ పార్టీయే శరణ్యం కనుక తెలంగాణ పదేపదే గొర్రె కసాయిని నమ్మినట్టు నమ్మాల్సి వస్తున్నది.తెలంగాణ కాంగ్రెస్ నాయకులు నిజంగానే కసాయిలుగా పదేపదే అవతారమెత్తుతున్నారు. నిజానికి రాజకీయ పార్టీల నేతలందరూ రాజీనామాలు చేసి సీమాంధ్ర ప్రభుత్వంపై ఒత్తిడి తెచ్చి, రాజ్యాంగ సంక్షోభం సృష్టించి తెలంగాణ సాధించాలన్న డిమాండ్ ఇవ్వాల్టిది కాదు.


కానీ, అడుగడుగునా ప్రజలు తెలంగాణ ప్రజావూపతినిధులను, మంత్రులను అడ్డుకుంటున్న సందర్భం. ఎందుకురా ఈ బతుకు జనంలోకి వెళ్లలేమనుకుంటున్న సందర్భం. మేమూ ఇంకా తెలంగాణ తెస్తామని, ఉద్యమిస్తామని ప్రకటించిన కాంగ్రెస్ నేతలు హఠాత్తుగా రాజీనామాల నిర్ణయం తీసుకున్నారు. రాజీనామాలు ఆమోదం పొందలేదు. అదే వేరే విష యం. కానీ తెలంగాణ వచ్చేదాకా రాజీనామాలు ఉపసంహరించుకోబోమని, మాట మార్చేది లేదని ఎన్ని ప్రగల్భాలు పలికారో? లెక్కలేదు. ప్రాణాలు కూడా ఇస్తామన్న వీరుల్లా ప్రకటనలు కోకొల్లలు. మీసాలు తిప్పి, మాటల
గారడీ చేసిన కాంగ్రెస్ మంత్రులు ఒక్క పొద్దులు, ఉపవాసాలు చేసి , మళ్లీ అందరం వాళ్లను నమ్మి వాళ్ల దీక్షల్లో ప్రసంగాలు చేసి, వాళ్ళ మాటల తడి వాళ్ల నాల్కల కొసన ఇంకా ఊగులాడుతుండగానే ఈ మోసం... ఎంత ఇజ్జత్ లేకుంటే ఇట్లా జరుగుతుందనుకోవడం ఒక అమాయకత్వమే. నిజానికి కాంగ్రెస్ పార్టీ ఈ దేశ ప్రజల విశ్వాసాన్ని కోల్పోతున్న తరుణం.

కుంభకోణాలు, సరైన నిర్ణయాలు తీసుకోలేని నిస్సహాయ నాయకత్వం పైగా అవిశ్వసనీయత . 14ఎఫ్ విషయంలో చిదంబరం ప్రకటన గుర్తుందా? మళ్లీ తీర్మానం కావాలన్న చిదంబరం రెండు రోజులాగి 14ఎఫ్ రద్దు చేయడం వెనుక ఏముంది? ప్రహసనం, అన్నా హజారే దీక్ష సందర్భంలో కాంగ్రెస్ వ్యవహరిస్తున్న తీరు దాని నాయకత్వలేమిని, రాజకీయ అపరిణితిని, నిజాయితీ లేనితనాన్ని, ప్రజాస్వామిక ధర్మాలను అది పాతర పెడ్తుండడాన్ని సూచిస్తున్నది. ఈ అవిశ్వసనీయత, ప్రహసన నిర్ణయాల ప్రభావం తెలంగాణపైనా ఉంది. డిసెంబర్ 9న ప్రకటన చేసి, ఇప్పుడు ఏకాభివూపాయం. గాడిద గుడ్డు అనడం కానీ, తెలంగాణ ప్రజలను మభ్యపెట్టడానికి,సమస్యను పరిష్కరించకుండా కాలయాపన చెయ్యడానికి, ఎట్లా ప్రయత్నం చేస్తున్నదో వాటిపై పడుతున్నది.

అంతా విని రామునికి సీతేమైందన్నట్టు ఆజాద్ వచ్చె మళ్లీ బాగోతం మొదలుపెట్టమన్నట్టు? ఇప్పుడు చివరాఖరికి ఏం జరిగిందో చెప్పండి? తేల్చుకొనిరండి? మూడు నెలలయితే నిర్ణయం. నిజంగా తెలంగాణ ప్రజల కాళ్లకు మొక్కా లె. అయినా వాళ్లు ప్రశాంతంగా ఉన్నరు. ప్రశాంతంగా ఉద్యమిస్తున్నరు. ఈ తారీఖులు, దస్తావేజులు మారడం దేనికి సూచన. రాష్ట్రంలో పరిస్థితులు మారిన వన్న ఈ సూచన కేంద్రంలో కాంగ్రెస్ ప్రభుత్వం, సీమాంధ్ర, పెట్టుబడిదారుల కొమ్ముకాసి మరోసారి తెలంగాణకు ద్రోహం తలపెట్టే యోచనతోనే ఉన్నదా? అర్థం అవుతూనే ఉన్నది. ఇది కొనసాగతున్నది. ఇప్పుడు... తెలంగాణ ఉద్యమాన్ని గమనించే వాళ్లకు అర్థమయ్యే విషయం. మన బాంచెలు పిరికి వాళ్లు. పరాధీనులు అయిన మంత్రులు స్వామి, సకార్యాల కోసం క్యాబినెట్‌లోకి వెళ్లి వాళ్ల రాజకీయ జీవితకాలంలో పెద్ద తప్పు చేశారు.

ఆ తప్పు దిద్దుకుంటారో, ఎంగిలి మెతుకులు, ఏరిపారేసిన ఎముకలకు ఆశపడ్తారో వారి ఇష్టం. అధికార రాజకీయ ప్రయోజనాలకోసం ఆరు దశాబ్దాలుగా కాంగ్రెస్ పార్టీ తెలంగాణ జనజీవితాలతో ఆటలాడుకుంటున్నది. కొంత అధికారం, కొంత ఆదాయ మార్గం అటు అధిష్ఠానానికి, ఇటు సీమాంధ్ర ఏలికలకు తొత్తులుగా వ్యవహరిస్తున్నది కాంగ్రెస్ తెలంగాణ నాయకత్వం. ఇప్పటికైతే ఇదే నిజం. పిల్లలు చచ్చిపోతున్నరు. కాపురాలు కూలిపోతూనే ఉన్నయి. తల్లిదంవూడులు అంగలారుస్తూనే ఉన్నరు. కొత్తగా కాంగ్రెస్ ప్రభుత్వం ఎనిమిదవ చాప్టర్‌అమలులో విద్యార్థులు, న్యాయవాదులు, రాజకీయనాయకులు, తెలంగాణ ఉద్యమకారుల అరెస్టుకు తెరలేపుతున్నది. రాజకీయ, మీడియా మేనేజ్‌మెంట్‌లు అయిపోయి, అనంతర చర్యలు, అణచివేత చర్యలు ప్రారంభమవుతున్నయి. కానీ కాంగ్రెస్ పార్టీ అన్ని కీలక విషయాల్లోనూ అంచనాలు తప్పి తప్పులు చేస్తున్నట్టే, తెలంగాణ విషయంలోనూతప్పులో కాలేస్తున్న ది. ఇది మునుపటి ఉద్యమం కాదు.

గ్రామ గ్రామానికీ పాకిన ఉద్యమం. మని షి మనిషికీ వ్యాపించిన ఉద్యమం. ప్రజాస్వామిక ధర్మాలు, సూత్రాలను కాలరాసి గుప్పెడు మంది కోసం కోట్ల మంది ఆకాంక్షలను కాలరాస్తే ఊరుకోదు తెలంగాణ. సకల జనుల సమ్మె కావచ్చు. దిగ్బంధం జరగొచ్చు. నెత్తురు ఒడిసిన నేల నెత్తురు మండితే ఏం జరుగుతుందో? ఏలికలకు కొత్తకాదు. తెలంగాణ ఆగదు. అంతం కాదు. వచ్చేదాకా సాగిపోతది. తెలంగాణ మంత్రులకు ఒక గమనిక. కొండా వెంకటరంగాడ్డి ఒక మాట అన్నడు. ‘గులామ్ కీ జిందగీసే మౌత్ అచ్ఛా హై!’ అని మరి బానిసలవుతారో..? మరేమవుతారో మీఇష్టం. బానిసల కన్నా.. చావులు మేలు. ‘బానిసకొక బానిసకొక బానిసవోయ్, బానిసా!మానిషి జన్మానికి ఛీ మచ్చవు నర పీనుగా’ శ్రీశ్రీ.

35

Allam Narayana

జర్నలిస్టులకు బంగారు తెలంగాణ

ఫిబ్రవరి, 17. ముఖ్యమంత్రి పాత క్యాంపు కార్యాలయం. అంతటా కోలాహలంగా ఉన్నది. ముఖ్యమంత్రి కేసీఆర్ పుట్టినరోజు. ఆయనను అభినందించడానికి వెల్లువెత్తిన ప్రజా సమూహాలు. కొత్త క్యాంపు కార్యాలయం ప్రగతి భవన్ దాకా క్యూ కట్టిన జనం. దాని ముందరే జనహిత. ఇవ్వాళ్ల అధికారి...

నీరూ.. నిప్పు.. కొంచెం జాగ్రత్త

ముందు వాళ్లు సెక్షన్ ఎనిమిది అన్నారు. గవర్నర్ గిరీతో స్వతంత్రతను దెబ్బతీయాలని కుట్ర పన్నారు. తెలంగాణ సమాజం తిప్పికొట్టింది. తోక ముడిచారు. స్వీయ రాజకీయ అస్తిత్వ ఫలితమది. మన తెలంగాణ మన పాలన ఫలితం అది. ఆ తర్వా త టీ న్యూస్‌లోకి చొచ్చుకువచ్చే కుట్ర చేశారు...

బలుపు పనికిరాదు..జర జాగ్రత్త

కుక్కతోకలు వంకరే. ఆ వంకర తనాలు ఇట్లాగే ఉంటే, మీమీ అహంకారాలు మా స్వాభిమానాలను, అభిజాత్యాలను అగౌరవపరిస్తే, అవమానపరిస్తే చరిత్ర పెంటకుప్పల మీద విసిరేస్తాం. మీ రాజకీయ అధిగణాన్ని విసిరేసినట్టుగానే మిమ్మల...

ఆ పదకొండు రోజులు..

పుస్తకం చదువుతున్నంత సేపూ అప్పుడప్పుడు గుండె తడిదేరుతున్నది. లోపల జల ఊరుతున్నది. కళ్లలోకి ఏవో ధారలు ఉబికి వస్తున్నాయి. పుస్తకాన్ని మమేకమై చదివినప్పుడు, పుస్తకంలో విషయాలన్నింటితో ఐడెంటిఫై అవుతున్నప్పుడు కలిగేవన్నీ లోప ల కలుగుతున్నాయి. పూర్తిగా పంచుకున...

వలస విముక్త తెలంగాణ

ఆంధ్ర ఉద్యోగులు ఆంధ్రలో, తెలంగాణ ఉద్యోగులు తెలంగాణలో... బస్.... అంతే. కేసీఆర్ నాయకత్వం తొలి విజయంగా, వలస అవశేషాలపై తొలియుద్ధంగా ఇది మొదలుకావడం ఉద్యమం ఇంకా ముగియలేదని వలస విముక్త తెలంగాణ నిర్మాణం కోసం కొనసాగవలసి ఉన్నదని అర్థం చేయించింది. అయితే ...

ఉద్యమమూ...రాజకీయమూ..

గాడిదలకు గడ్డి వేసి, ఆవులకు పాలు పిండుడు అన్న సూక్తిని కేసీఆర్ పదేపదే ప్రతిభావంతంగా ఓటర్ల మనసుల్లోకి చొప్పించారు. తెలంగాణ ఉద్యమకారులకు ఒక ప్రశ్న ఉన్నది. ఈ సంస్కతిలోంచి వికసించిన ఎమ్మెల్యేలకు ఓటేస్తే ఆదర్శవంతంగా ప్రకటించుకున్న పునర్నిర్మాణం సా...

ఒక్క శేఖర్... రెండు క్యాన్సర్లు

క్యాన్సర్ లొంగదీస్తున్న సమయాల్లోనే శేఖర్ అంతకుమించిన క్యాస్ట్ క్యాన్సర్‌ను కనిపెట్టి బజారుకీడ్చి, రచ్చచేసి, కిండల్ చేసి, అంతరాల దొంతరలను అవహేళన చేసి వెక్కిరించి నిటారుగా కుంచె మీద నిలబడి ధన్యుడయ్యాడు. శేఖర్ చెయ్యి పువ్వు వలె సుత...

తెలంగాణకు ప్రమాదకరం

రాహుల్‌గాంధీ అతి సునాయాసంగా, ఆయాచితంగా హైదరాబాద్ బ్రాండ్‌వాచీ గురించి ప్రస్తావించారు. కానీ ఆయనకు తెలియ దు. కేంద్రంలో పీవీలు, మన్‌మెహన్‌లు తెచ్చిన ఆర్థిక సంస్కరణలు, రాష్ట్రంలో చంద్రబాబు సంస్కరణల మొనగాడుగా, సీఈవోగా అనుసరించిన విధానాలు ఎన్నడో ప్రతిష...

మనమూ-వారూ...విభజన రేఖ

మనమూ-వారు అనేది అస్తిత్వంలో ప్రధాన విభజన రేఖ.తెలంగాణ బిల్లు పార్లమెంటులో ఆమోదం పొందిన తర్వాత వెం టనే ఎన్నికలు వచ్చిపడ్డందున అన్య విషయా లు ఎజెండాలోకి వచ్చి చేరాయి కానీ ఒక అస్తిత్వఉద్యమం విజయవంతమయిన తర్వా త ఆ అస్తిత్వాన్ని నిలబెట్టుకొని, కంటికి రెప్ప ల...

ఇప్పుడిక నరేందరూ లేడు....

బన్సీలాల్‌పేట ఎలక్ట్రిక్ క్రిమటోరియానికి కేఎన్ చారి పార్థివదేహాన్ని అప్పగించి వరండాలోకి వస్తున్నప్పుడు దుక్కం పొంగింది. అప్పుడు మేం ముగ్గురం. ఘంటా చక్రపాణి, రేవెల్లి నరేందర్, నేను. ఇవ్వాళ్ల పాత ఆంధ్రజ్యోతి నుంచి ఆ మూల బంజారాహిల్స్ తురగా జానకీరాణి గార...

మనసంత మానేరు....

మనసంత మానేరు మాటకోనేరు అనే మాట రాసిన మనిషి ఎంత సున్నితమైన వాడై ఉంటాడు. చెరబండరాజు మీద స్మతి గీతం ఇది. ఈ పాట రాసింది అల్లం వీరయ్య. మా నడిపన్న. ఇప్పటికే మీకు అర్థమయి ఉంటుంది. ఇది నేను వ్యక్తిగతంగా రాసుకుంటున్న మా అన్న గురించిన కొన్ని ముచ్చట్లు. మీకు ఏ ...

ఉద్యమమూ.. ఐచ్ఛికత.. విలువ

ఉద్యమ సంస్థలకు ఇంకా చాలా పని మిగిలే ఉంది. ప్రెషర్ గ్రూప్స్‌కు ఇంకా చాలా పని ఉంది. రాజకీయాలు కమ్మేస్తున్న వేళ తెలంగాణ విముక్తం కావాలని ఉన్నది. జాగరూకత, అప్రమత్తత, తెలంగాణ వచ్చినాక ప్రయోజనాలు, ఫలాలు ప్రజలకు అందాల్సిన పోరాటం మిగిలే ఉన్నది. ఐచ్ఛి...

దూరాలు లేవు.. ద్వారాలు లేవు..

కొత్త దూరాలూ... కొత్త ద్వారాలూ మన మధ్య లేవు నారాయణా... -ఇష్టంతో ఉమామహేశ్వరరావు తెలంగాణ బిల్లు రాజ్యసభలోనూ ముద్ర వేయించుకుని వచ్చిన రెండు రోజులకు మా తిరుపతి ఉమా నుంచి నాకు అందిన తొలికథల పుస్తకం మీద ఇష్టంగా రాసిన ఈ మాటలను చాలాసార్లు గుణ్‌గునాయించుకు...

తెలంగాణ ఒక వెలుగుచుక్క...

అమరుల ఆత్మలు నిక్షిప్తమై ఉన్న ఈ గన్‌పార్క్ స్తూపం ముందు మోకరిల్లినప్పుడు జలజలా రాలిపడ్డ దుక్కం. మిత్రులారా! బెంగటిల్లినట్టు... వేల మందిలోనూ లేని వెయ్యిన్నొక్కమంది యాది. గుండెలు పట్టనంత గెలుపు సంబురం. ద్వైదీభావంలో తన్నుకులాడుతున్న మనుసు. ఈ గన్‌పార్క్ ...

జంపన్న వారసత్వం...

జంపన్నా వాగుల్ల అబ్బియా! జాలారి బండల్ల అబ్బియా! నాది దయ్యాల మడుగే అబ్బియా! దండొక్కపొద్దే అబ్బియా జంపన్న వాగుల నీటిని నెత్తిన చల్లుకోవ డం భక్తా? చరిత్ర నుంచి వచ్చిన పూనక మా? నిజమే చరిత్ర నుంచి వారసత్వంగా పరక్షికమాలు, ధీరత్వాలు, సాహసాలు, పోరాటాలు ప...

నయా డాన్ క్విక్సాట్‌ల కథ

అసెంబ్లీ ముంగట అంబేద్కర్ విగ్రహం మాట్లాడలేదు. గాంధీ విగ్రహం కూడా. మాట్లాడి ఉంటే గాంధీ విగ్రహం ముందుగా అసెంబ్లీలో తనకు నివాళులు అర్పించి మరీ దౌర్జన్యంగా కూడబలుక్కుని ఒక తీర్మానాన్ని గబగబా చదివి, యస్‌ఆర్ నో అని మూజువాణి ఓటుతో అధికార తీర్మానం ఆమోదించిన...

మా రాష్ట్రంలో మాదే రాజ్యం..

తెలంగాణ ఒక ధిక్కార భూమి. దాని ఆత్మలో ఇంకిన స్వాభిమాన ప్రకటనే తెలంగాణ. పునరుజ్జీవన ఆకాంక్షల గొంతుకే తెలంగాణ. ఇట్లా అర్థం చేసుకుంటే తప్ప ఆంధ్ర-తెలంగాణ ఎందుకు విలీనమయి విఫలమయిందో? ఎందుకు విడిపోయి తెలుగువారిగా కలిసి ఉండాలో, తెలుస్తుంది. అందుకే పునర్నిర్...

ఆగుతుందంటే... మీ ఖర్మ..

తెలంగాణ వచ్చినట్టే ఉన్నది. వాళ్లకైతే ఎప్పటికీ రానట్టూ ఉన్నది. ఇప్పటికీ ఒక పత్రిక, రెండు ఛానళ్లు తప్ప.. తెలంగాణ వస్తున్నట్టు కానీ, ఇక్కడి ప్రజలు సంబురాలు జరుపుకుంటున్నట్టు కానీ అటులేదు. ఇటు లేదు. గందరగోళం తగ్గలేదు. నాలుగేళ్ల సంది ఇదే ద్వైదీమానం. లోలక...

వసంతగీతం ముందుచూపు

వసంతం విడిగా రాదు, మండే ఎండల్ని వెంట తెస్తుంది. ‘విప్లవానికి బాట’, జగిత్యాల జైత్రయాత్ర నేపథ్యంలో ‘కొలిమంటుకున్నది’ నవల వెలువడితే, ఇంద్ర మారణకాండ నేపథ్యంలో ‘కొమురంభీము’ నవల వెలువడింది. ఇంద్ర మారణకాండ (ఏవూపిల్ 1981)నాటికే సిపిఐ (ఎంఎల్) పీపుల్స్‌వార్ ...

యాది..మనాది...

కట్టె సరుసుకపోయి పడి ఉన్నడు భూమయ్య సార్! కాలం లాగే. ఘనీభవించినట్టు.. నాలుగు దశాబ్దాల యాదులు. మనాదులు. కాచాపూర్. వడ్కాపూర్. పెద్దపల్లి నుంచి ఎడంగా ఎంత దూరమైనా వెళ్లవచ్చు. అప్పుడది విప్లవాలు పాడి న కాలం. పల్లెలు పాల్తెం, కనగర్తులై కుక్కలగూడూరు, బసంత్‌న...