పసిడి రెక్కలు విసిరి కాలం...


Sat,December 31, 2011 11:33 PM

బతుకంటే ‘విత్ ఆల్ ద హెల్’ ఒక నిప్పు కణిక కదా.. బతుకంటే ఒక విశ్వా సం కదా. బతుకంటే బతకడం కదా.. బతుకంటే అగాథమౌ జల నిధి నుంచి ఆణిముత్యాలను లాగడం కాదా! పురోగామి క్రియాశీల శక్తుల ప్రేరణా పదార్థం కదా! అన్నీ ఇట్లనే వుంటాయి. నిన్ను బద్దె పురుగులా కుదిపి, కదిపి ఇబ్బందిపెడ్తూనే వుంటాయి. కానీ....నడవనీ.. కాలమట్లా నడవనీ.. పసిడి రెక్కలు విసిరి కాలం.. పారిపోయిన జాడపూందుకు?క్యాలెండర్ తిరగబడ్తుంది. గోడమీద మరుపుల, మెరుపుల మరకలు... క్యాలెండర్ స్థానంలో దుమ్ముపట్టని ఆ గజం మేరా చెరగని కాలం లా.. చెదరని జ్ఞాపకాల్లా.. గతిస్తున్న గతంలా... బ్రతుకు నిరంతర ప్రవాహమయితే ప్రతి జనవరి ఫస్టూ ఒక మజిలీ. ఉగాదులు ఎన్నడూ లెక్కగట్టం కదా.. జనవరి నుంచి జనవరి దాకా .. అయినా మనకు ఉగాదులు లేవు. ఉషస్సులు లేవు. జగమంతా తమస్సులే.. జనమంతా ‘తమస్’కులే.. ‘బీతే హుయె వో దిన్’... వెళ్లిపోయిన దినాలు.. బహుశా చివరి వారం రోజులూ అందరి మనసులోనూ ఒక రకమయిన ఒత్తిడి వుంటుందనుకుంటా. ఇంకో ఏడు మీద పడిం ది. ఏం సాధించాం. ఏం జరిగింది. మంచీచెడ్డా బేరీజు, ఒత్తిడొత్తిడి, తొక్కిడి తొక్కిడి.. అల్లిబిల్లి జ్ఞాపకాలు మనసును కలవరపెడుతుంటాయి.

నువ్వు ఒంటరి పథికుడివైతే ఆ దిగులు బరువూ, మీద వయసు బరువూ. జరగని పనుల తాలూకు ఛాయావూపచ్ఛాయలు, జరగాల్సినవేవీ జరగని చితిచింత, ఓ నిట్టూర్పు, ఓ జాలి చూపు... నువ్వు సామాజికుడివైతే రొటీన్. ప్రతియేడు వచ్చినట్టే వచ్చింది. ‘నథింగ్ న్యూ’ అనుకుంటావ్. జానేదేవ్ యార్. సిద్ధాంతివో, వేదాంతివో అయితే కదా! జరగాల్సింది జరిగింది. ‘అదంతే’ అని చప్పరించేస్తుంటావ్. విజేతలు విజయహాసంతో విర్రవీగితే, పరాజితులు మరింత కృంగిపోతారు. కాలం మాత్రం ఏ మాత్రం ఆగదు... నిలవదు. ‘ఫూల్ ఖిల్‌తే హై, లోగ్ మిల్‌తే హై’ వైసాహీ... పూలు పూస్తాయి. వెన్నెల కాస్తుంది. సూర్యుడు పసిడి రెక్కలు విసురుడుతాడు. మనుషులు కలుస్తారు. విడిపోతారు. జ్ఞాపకాలో, స్మృతులో.. తీపివో, చేదువో అనుభవాలు పండుతాయి. కాలమట్లా కదులుతూ వుంటుంది.
అయినా ‘ఏమున్నది గర్వకారణం’. మనుషులు మరింత ‘ముదిరి’పోవడం తప్ప. మానవ సంబంధాలు మరింత విచ్ఛిన్నమవడం తప్ప. మనుషుల తాలూ కు ప్రతిస్పందనలు, స్పందనలు కనుమరుగై కరువవడం తప్ప. జీవన సమరంలో ప్రేమలూ, ఆప్యాయతలూ, అభిమానాలు, కోపాలు, తాపాలు, విరహాలు, వేదనలు, రోదనలు, నిబద్ధతలు, నిబిడీకృతాలు.. మానవ మేధస్సుకు సంబంధించిన పుర్రెలో పుట్టిన బుద్ధులు, మానవుల రసాయనిక ప్రక్రియలన్నీ అంతరించిపోవడం తప్ప. ‘మోర్ ప్రాక్టికల్’... ‘మోర్ మెకనైజ్డ్’... ఆర్ మోర్ కంప్యూటరైజ్డ్.. మోర్ అండ్ మోర్. అట్లా మనిషి యంత్రం కావడం, బ్రతుకు విధ్వంసం కావడం తప్ప. ‘నీ కోసం చెమ్మగిల్లిన నయనమ్ములేవి?’.. ‘ఏవి తల్లీ నిరుడు కురిసిన హిమసమూహములు’ మనుషుల్ని దేవులాడుకోవడం మిగిలింది. మనిషి ఈ యాంత్రికయుగంలో ‘ఇంటర్‌నెట్’ల సమాచార వరదలో, బాధలో, భయాల్లో ఒంటరైపోతున్నాడు. ప్రపంచం విస్తరిస్తున్నది. మనిషి మరింత విస్మృతికి జారుకుంటున్నాడు. ఇది నగర నాగరిక జీవనసారం.

సరే. పల్లెలట్లా తగలబడ్తూనే వుంటాయి. మంటల్లో మాడుతూనే వుంటాయి. ఎన్‌కౌంటర్లు పిట్టల్ని కాల్చిచంపుతాయి. అట్లా ఒకరు చచ్చిపోతుంటారు. మరొకరు పేలిపోతుంటారు. పొలాలు బీళ్లవుతాయి. ఊళ్ళు, కన్నీటి సెలయేళ్ళవుతా యి. ‘రెక్కలు విప్పని రెవల్యూషన్’ ప్రపంచం ఊర్థ్వముఖంగా గగనతలంలో తిరుగాడుతుంటుంది. పల్లెలు అథోముఖంగా మరిన్ని బాధల్లోకి జారుకుంటా యి. ఎవరికీ పట్టని ఏకాంత సీమలు. వానలు కురుస్తాయి. తుపాన్లొస్తాయి. పచ్చ ని పంటసీమలు ‘కాడు’పడి, గోడుగోడుమంటాయి. ‘ఎటు చూసినా శవాల కుప్పలు.. రాజకీయుడేడి?.. రాముడేడి’ అదే స్టయిల్ ప్రశ్న మరోసారి. రాజకీయుడు మరింత ‘స్కాం’ డ్రల్‌గా అవతారమెత్తుతున్నాడు. పిల్లి మెడలో కోర్టుల గంటపూన్ని గణగణమోగినా, చీమూ నెత్తురూ లేని వ్యవస్థ. ఇక్కడ ఏమీ జరగదు. అయినా న్యాయమూర్తులే స్వయంగా అన్యాయమూర్తులయిన సరికొత్త సీమ. అవినీతి అందలాపూక్కుతున్నది. విశ్వరూపం ప్రదర్శిస్తున్నది. ‘ఇందూ, అందూ ఎందెందు వెదకినా’ పుచ్చిపోయిన సర్వాంగాలతో సామాజిక వికృత రూపాలు. ముసుగు తొలగించకు.. అదుత్త అస్థిపంజరం. అయినా మరచిపో.. మరిచిపో. నీ కెందుకు? బీ ప్రాక్టికల్... ఒకరి గురించిన కనీస యోచన లేనితనం.. మంచితనం అంతరిస్తున్న జాడలు. ఎవరి గోడూ ఎవరికీ పట్టనితనం. ‘జానేబీదో యార్’ పక్కవాడిదాకా ఎందుకు... నీ పని నువ్వు చూసుకో... చాలు.. పుణ్యమున్నూ, పురుషార్థమున్నూ.

విమానాలు కూలిపోయాయి. గాల్లోనే పేలిపోయాయి. రైళ్లు పడిపోయాయి. ఏటా వచ్చే వరదలూ ముంచాయి. ఉప్పెనలూ ఊడ్చాయి. బస్సులు నదుల్లోకి దూకాయి. కానిస్టేబుల్ కాల్పులు జరిపి రైతుల రక్తం చూశాడు. కొందరు ఉద్యమించారు. మరికొందరు తలలువాల్చారు. రాజ్యాలట్లాగే వున్నాయి. మీ ఇంట్లోకి ‘కోక్’ 1500 మిల్లీమీటర్ల బాటిల్ జార్ వచ్చే ఉంటుంది. మీకు అతి సమీపంగా కదలాడుతూ వుండి వుంటుంది. నో ప్రాబ్లమ్. మీ ఇల్లూ, పిల్లలూ సల్లంగుండ. జీవితం భద్రంగా వుంది. బయట ఉక్క. గదిలో చలి. నాలుగ్గోడలే భద్రం. బావిలో ఆ ఇరుకే నయం. ఎంత విస్తరిస్తున్నామో అంత కుత్సితులవుతున్నామంటే ఎట్లా, కుదరదు. కుదరదు. ‘ఛోడ్‌దేవ్ యార్’..భద్రలోకుల మాట సరే! ‘దోస్త్ దోస్త్ న రహా. ప్యార్ ప్యార్ న రహా’.. మిత్రుడా నువ్వట్లా కలలుకంటూనే వున్నావు. భుజం మార్చుకున్న బంధూకు.. ఎన్నికలలో. బహుశా కలలు కంటున్నందుకు నివ్వింకా నీ నెత్తుటి మూల్యం చెల్లిస్తూనే వున్నావు. అలసట లేదు. నిరాశ లేదు. ఆశల దీపాల్లో వెలుగుతున్నారు.
మూలుగుతున్నారు. నీ జ్ఞాపకం... చిత్తడి అరణ్యాల మధ్య వద్దు... నీ కలలంత ప్రమాదకరమైన ప్రేలుడు పదార్థం ఇంకేదైనా వుందా.. ఆ ఒక్కటీ వద్దు. భద్రంగా.. క్షేమంగా... ఇంటికీ, ఆలికీ, పిల్లలకూ, కార్యాలయానికీ మధ్య అడపాదడపా.. సమావేశ మందిరాల మధ్య ఆసుబోసిన గొట్టంలా ‘గిరగిరాం.. గిరగిరాం’ తిరి గే.. అవునూ, లోపలేదో కుములుతున్నది. అవునూ ఏదో తెములుతున్నది. తల్లి పేగు సంబంధమేదో కదులుతున్నది. హఠాత్తుగా.. మై డియర్ ఫ్రెండ్. ఈ మధ్యన నువ్వే బాగా కెలికీ, కెలికీ.. ఎందుకు మిత్రుడా.. అట్లా మా భద్రలోకాలనీ చెదరగొడ్తావు. ‘సబ్ ఠీక్ హై’జీవితం చాలా ఆనందంగా.. చాలా చిన్నగా.. చాలా భద్రంగా.. చాలా సజావుగా.. సాగుతున్న నదిలా.. జరగనీ.. ‘యువర్ డ్రీమ్ ఈజ్ ఎ బాంబ్ షెల్’.. నీ కల వెయ్యి టిఎన్‌టిల శక్తితో విస్ఫోటనం కాని వ్వు.. మరిచిపో.. మరిచిపో.. కమ్ముకొస్తున్న కాలం.. మీదపడే ముదిమి.. ఏమున్నది. అవునూ ఒక ఏడాదిలో ఏం జరిగింది.. ఏమీ జరగలేదనేదే కదా రంధి. ‘కొడుకా నువ్వక్కడ ఏ రంధీ, రవుసూలేని బతుకు బతుకుతున్నావ్. మేమిక్కడ ఇంకా ఈ పొలాలపొంటి, ఒడ్లపొంటి, నాట్లేసి, కలుపులు తీసి, ఎండల్లో ఎండీ, వానల్లో నానీ.. ‘వద్దమ్మా వద్దు’ అమ్మా నను కన్నందుకు విప్లవాభివందనాలు.. ‘శివుడా. శివుడా.. నర్రెంగా సెట్టుకింద నరుడో భాస్కరుడా.. అవును నా వేళ్ళు, పల్లెల్లో వున్నాయి. నేనేమిటి? నా దేశం నరనరాలు పల్లెల్లో వున్నాయి.

ఈ యంత్రాలూ, యంత్ర భూతాలు.. సాంకేతిక పరిజ్ఞానాలు..కంప్యూటర్‌లు.. మల్టీ ఛానళ్లు.. మట్టిపొత్తిళ్ల పల్లె బ్రతుకు విస్మృతులు. ఆ పల్లె కూటి ఏటి పాటలు మీటిన రాగాలే. అభివృద్ధి అసమానమైన చోట, నగరాలకూ, పల్లెలకూ మధ్య అంతరాలు కంచుకోటలై పెరుగుతున్నచోట.. అయ్యా నేను పల్లెటూరివాన్ని.. ఓ రైతు బిడ్డను. నాకిదొక విస్మృతి. జీర్ణంకాని వికృత ఫలం. నాకిప్పుడు మనిషి కావాలి. నాకిప్పుడో మానవుడు కావాలి. ‘గో టు హెల్’.. ఆ పాటలూ, మాటలూ.. ఆటలూ.. కోటలు దాటిన మాటల మూటలు.. కలలు.. కడి కన్నీళ్లు. ‘ఒత్తుకున్నాం కంటిలో తడి, ఎత్తుకున్నాం ఎర్ర పిడికిలి’ నువ్వెక్కడున్నావ్ ఎన్.కె. భద్రమా.. ‘జర భద్రం కొడుకో నా కొడుకో కొంరన్న. రిక్షా ఎక్కే కాడ.. తొక్కేకాడ అయినా నల్లగొండ లంబాడీల రిక్షాల చక్రాలు విరిగిపొయ్యి ఏండ్లు గడిచినయ్ కదే గద్దరన్నా. ఇప్పుడంతా మూడుకాళ్లమీద నడుస్తున్న ప్రపంచం. ప్రగతి సాధించాం. ప్రగతి.. సర్లే పోనీ.. మూసిపెట్టు.. ఈ గుప్పిట విప్పకు.. అందరూ కనుమరుగైన కాలంలో... మిగిలీ మిగలని జ్ఞాపకంలా... ‘సముద్రం అలలమీద జాబిలి సంతకంలా’.. అలల మీద సితార మీటి అలసిసొలసిన కలం వీరుడా.. ఈ కాలం నీదా? కాదా? ఎవడు మన కాలం వీరుడు.. బతుకంటే ‘విత్ ఆల్ ద హెల్’ ఒక నిప్పు కణిక కదా.. బతుకంటే ఒక విశ్వా సం కదా. బతుకంటే బతకడం కదా.. బతుకంటే అగాథమౌ జల నిధి నుంచి ఆణిముత్యాలను లాగడం కాదా! పురోగామి క్రియాశీల శక్తుల ప్రేరణా పదార్థం కదా! అన్నీ ఇట్లనే వుంటాయి. నిన్ను బద్దె పురుగులా కుదిపి, కదిపి ఇబ్బందిపెడ్తూనే వుంటాయి. కానీ....నడవనీ.. కాలమట్లా నడవనీ.. పసిడి రెక్కలు విసిరి కాలం.. పారిపోయిన జాడపూందుకు? చేతనైతే.. చేవుంటే బతుకు శిఖరం మేరుపర్వతం.. అగడ్తల నుంచి, అగాథాల నుంచీ.. మొలకపూత్తే నమ్మకం. కాలమట్లా కదులుతూ వుంటుంది. మనుషులట్లా ఆకటి, చీకటి కాకుల కీకారణ్యంలో ఇక బతుకు బరువు కానే కాదు.. కొత్త బంగారు లోకాల కోసం కలలతో.. కలతల నిద్రలతో.. వేకువ కోసం.. సూర్యుని కోసం.. శీతల చంద్రకిరణాల కోసం.. ‘ ఎన్నెల కోనా లెన్నియలో మరి ఎలుగూ రవ్వా లెన్నియాలో’...

(ఇది పన్నెండేండ్ల కిందటి పలవరింత. ఏమీ మారని వింత...!)
-అల్లం నారాయణ

36

Allam Narayana

తూటాను మోస్తున్నవాడి ప్రశ్న

శివరాత్రి దినమువోలె/ ఒక్క పొద్దిడిసే యాళ/శివుడు చిన్నాబోయిండో నా కూనల్లారా... తెలగాణ పల్లేలన్ని/ ఎములాడకెళ్లంగ.... అని సాగే పాట గద్దర్‌ది. ఎక్కువ ప్రచారంలో లేనిది. కొద్దిమంది మాత్రమే విన్నది కావొచ్చు కానీ.... దానికదిగా ఇదొక అద్భుత కావ్యగానం. మానాల అ...

అన్యాయం చక్కదిద్దరా!

ఇప్పుడు రాష్ట్ర విభజన జరిగింది. ఇక మిగిలింది కేంద్ర పాలకులు. కేంద్రంలో ఇప్పటి వరకు అధికారం నెరిపిన పార్టీలలో కాంగ్రెస్‌ది ప్రధాన బాధ్యత. కొంత కాలం పాలించిన బీజేపీ కూడా ఈ బాధ్యత నుంచి తప్పించుకోలేదు. అందువల్ల ఈ రెండు పార్టీలు తెలంగాణ సమాజానికి క్షమాపణ...

తెలంగాణ వ్యతిరేకత!

కేంద్ర ప్రభుత్వం సీమాంధ్ర ప్రభువులను ప్రీతిపాత్రం చేసుకునే క్రమంలో తెలంగాణ ప్రయోజనాలకు విరుద్ధంగా వ్యవహరించడానికి ఏమాత్రం వెనుకాడదని మరోసారి రుజువైంది. తెలంగాణ రాష్ట్ర ఏర్పాటు బిల్లుపై రాష్ట్రపతి సంతకం చేసి గెజిట్‌లో చేరి ఎంతో సేపు కాలేదు. కేంద్ర క్య...

అచ్చమైన గణతంత్రం

దేశంలోనే ఒక రాష్ట్రం ఏర్పాటు చేయడానికి, ఒక జాతి ఆకాంక్ష తీర్చడానికి ప్రయాసతో కూడిన అప్రజాస్వామిక విధానం అవలంబించడం తగదు. కేంద్రంలోని విధానకర్తలు ఇప్పటికైనా సొంత రాష్ట్ర డిమాండ్లు తీర్చడాన్ని ఒక విధానంగా స్వీకరించాలె. ఆధిపత్యశక్తుల ఇష్టాయిష్టాలతో ని...

ఊరట ఏదీ!

ఇంతకాలం తెలంగాణనే బాధిత పక్షం. ఇకముందు కూడా తెలంగాణ బాధిత పక్షంగానే ఉండబోతున్నది. కానీ తెలంగాణ రోదన ఎవరూ వినడం లేదు. తెలంగాణ వారికి నాలుగు స్వాంతన వాక్యాలు చెప్పడానికి కూడా ఎవరూ లేరు. కేంద్రంలో సీమాంధ్ర పెత్తందారుల మాటనే ఇంకా చెలామణి అవుతున్నది. ...

నీచ రాజకీయం!

ధన ప్రభావంతో ప్రజల ఆకాంక్షను దెబ్బతీయవచ్చునని అనుకునే వారికి పరకాల ఎన్నిక ుణపాఠం నేర్పింది. ప్రజలకు హామీలు ఇచ్చి మాట మారిస్తే ఎట్లా ఉంటుందో ఇదే జగన్, చంద్రబాబు యాత్రలకు ఎదురైన వ్యతిరేకతే నిదర్శనం. ఇప్పుడు ఎన్నికలంటే ప్రజాభిప్రాయ సేకరణ. ఓటంటే బలమైన ...

నిరంతర పోరాటం

తెలంగాణ రాష్ట్రంలో మన హక్కుల కోసం ఏ విధంగా పోరాడాలె? అందుకు అనుసరించే వ్యూహం ఎటువంటిది అనే సందేహాలు రావచ్చు. ఎప్పుడు కాని ఏ సమస్యలను ప్రాధాన్యంగా గుర్తించి పోరాడాలనేది చెప్పేది ప్రజలే. పోరాట వ్యూహాన్ని నిర్ణయించేది కూడా ప్రజలే. నిజాయితీ గల ఉద్యమకారుల...

దొంగ దెబ్బ

29వ రాష్ట్రంగా మనకు దేశంలోని అన్ని రాష్ర్టాలు అనుభవిస్తున్న అన్ని హక్కులున్నాయి. వాటికి ఫెడరల్ నిర్మాణంలో హామీలున్నాయి. రాజ్యాంగబద్ధత ఉన్నది. ఆ ధీమాతో మన ప్రయోజనాల కోసం పోరాటం కొనసాగించక తప్పదు. దోపిడీ పీడనలు ఉన్నప్పుడు దానికి వ్యతిరేకంగా పోరాటం చెలర...

విముక్త జాతి!

ఎవరం దారి వీడలేదు. పోరాటం మనలను మరింత పరిణుతులను చేసింది. మనలో సంఘీభావం పెంచింది. చరిత్రలో ఏ దశ చివరిది కాదు. ఎవరి బాటలో వారం సాగుదాం. అన్ని బాటలు కలిసే దశ ఒకటి మళ్ళా తప్పకుండా వస్తది. ఆ తెలంగాణ కోసం ముందుకు సాగుతూనే ఉందాం. సార్వభౌమ సంస్థ అయిన పా...

విముక్త జాతి!

ఎవరం దారి వీడలేదు. పోరాటం మనలను మరింత పరిణుతులను చేసింది. మనలో సంఘీభావం పెంచింది. చరిత్రలో ఏ దశ చివరిది కాదు. ఎవరి బాటలో వారం సాగుదాం. అన్ని బాటలు కలిసే దశ ఒకటి మళ్ళా తప్పకుండా వస్తది. ఆ తెలంగాణ కోసం ముందుకు సాగుతూనే ఉందాం. సార్వభౌమ సంస్థ అయిన పా...

పతనం...

లగడపాటి రాజగోపాల్ నిజస్వరూపాన్నే కాదు, సీమాంధ్ర మీడియా మాయాజాలాన్ని కూడా తెలంగాణ ఉద్యమం బయట పెట్టగలిగింది. సీమాంధ్ర మీడియా వ్యతిరేక కథనాల దాడి ఎంత సాగినా తెలంగాణ ఉద్యమం అంతకంతకూ వద్ధి చెందుతూ ఢిల్లీని తాకడం తాజా పరిణామం. సీమాంధ్ర బేహారిగా ఉండి ప్...

బరితెగింపు

తాను అధికారంలో ఉన్నప్పుడు తెలంగాణ ఏర్పాటు చేయడంలో విఫలమైన బీజేపీ ఇప్పుడు ప్రతిపక్షంగానైనా సహకరిస్తే బాగుండేది. వచ్చే వారం ఈ లోక్‌సభ పదవీ కాలంలో చిట్టచివరిది. ఈ లోగా తెలంగాణ బిల్లును ఆమోదించి ధర్మం పక్షం వహిస్తే సరేసరి. లేకపోతే ఈ నాయకులు ప్రజల మధ్యకు ...

చివరి క్షణంలో రభస

అసెంబ్లీ అభిప్రాయం పొందిన తెలంగాణ బిల్లుకు రాష్ట్రపతి సమ్మతి తెలుపడంతో ఇగ పార్లమెంటులో ప్రవేశ పెట్టడమే మిగిలింది. ఈ బిల్లును మంగళవారం రాజ్యసభలో ప్రవేశ పెట్టవచ్చునని తెలుస్తున్నది. దశాబ్దాలుగా ఉద్యమిస్తున్న తెలంగాణ ప్రజల ఆకాంక్ష తీరే రోజు దగ్గర పడ్డది...

ఇంకేమి వదులుకోవాలి?

తెలంగాణ ఉద్యమం వచ్చిందే మన నీళ్ళ కోసం, కొలువుల కోసం, నిధుల కోసం. మన జాగల మన రాజ్యం కోసం. అదీ లేకపోతె ఇగ తెలంగాణ ఇచ్చుడెట్లయితది. ఇప్పటికే మూడు తరాలు నష్టపోయినం. పిల్లలు ఆగమైండ్రు. ఇంకా ఏం వదులుకోవాలట! పార్లమెంటుల బిల్లు పెట్టినప్పుడు చర్చ జరగవలసి...

ఏది సమాఖ్య స్ఫూర్తి?

తమ వాదనలో పస లేనప్పుడు డొంక తిరుగుడు మాటల్లో దొర్లాడడం సీమాంధ్ర పెత్తందారులకు అలవాటే. ఏదైనా రాష్ట్రంలోని చిన్న ప్రాంతం విడిగా బతకాలనుకుంటే, ఆ రాష్ర్టాన్ని విభజించే అధికారం కేంద్రానికి ఉండాలనే రాజ్యాంగ నిర్మాతలు మూడవ అధికరణం ద్వారా తగు ఏర్పాటు చేశారు....

పీడ వదిలినట్టే!

రాష్ట్ర విభజన బిల్లుకు వ్యతిరేకంగా తీర్మానం చేశామని చంకలు గుద్దుకుంటున్నారు. వీళ్ళు ఇక్కడ ఎన్ని ఏడుపుగొట్టు తీర్మానాలు చేసినా తెలంగాణ బిల్లు పార్లమెంటు ఆమోదం పొందడం ఖాయం. తెలంగాణ ప్రజలకు ఈ పెత్తందారుల పీడ విరగడ కావడం ఖాయం. సీమాంధ్ర ప్రజలు కూడా వీళ్ళ ...

బిల్లుకు విముక్తి ...

తెలంగాణ ప్రజాప్రతినిధులు, ఉద్యమం జమిలిగా ఒక కార్యాచరణతో, ఓరిమితో, ఉపాయంతో, సమయస్ఫూర్తితో వ్యవహరించి, బిల్లుపై చర్చ సందర్భంగా తెలంగాణ ఎందుకు వేరుపడుతున్నదో? అది ఎంత అనివార్యమో? ఆంధ్రప్రదేశ్‌లో ఎన్ని అవస్థలు, అణచివేత, దోపిడీ అనుభవించిందో? సమర్థంగా చెప్...

రాజ్యాంగస్ఫూర్తి నిలబడాలి

బీఏసీలో వచ్చిన అభిప్రాయాలు, అట్లాగే రాష్ట్రపతి నుంచి వచ్చిన బిల్లు అనే ప్రత్యేకతను పరిగణనలోకి తీసుకుని స్పీకర్ విశేషాధికారాలతో సీఎం తీర్మానాన్ని తిరస్కరించడమే ఆరోగ్యకరమైన రాజ్యాంగస్ఫూర్తి కాగలదు. విశేష అధికారాలను స్పీకర్ వాడుకునే సందర్భంలో తీర్మాన...

ఐక్యత అపూర్వం

తెలంగాణ సమాజం ఒక అద్భుతమైన, చరిత్రాత్మక, సుదీర్ఘ పోరాటాన్ని నిర్వహించ డం ద్వారా కొత్త ప్రమాణాలను నెలకొల్పినట్టయింది. సమాజశక్తుల్లో,చివరికి ప్రజా ప్రాతినిధ్య శక్తుల్లో కూడా ఈ ఉద్యమం ఒక అనివార్య ఐక్యతను పాదుకొల్పింది. ఐక్యంగా లేకపోతే బలయిపోతామన...

హైదరాబాద్..చష్మేబద్దూర్!

హైదరాబాద్! నువ్వు అపురూప అమాయక సౌందర్యానివి వెలుగు నీడల భోలా ప్రపంచానివి నీ చుట్టూ ఇప్పుడు సమైక్య రోగుల బర్బర నత్యం హైదరాబాద్ *చెష్మెబద్దూర్! మద్రాస్ మీద కన్నేసిన ఆ మహాదాశయులే కదా ఇప్పుడు నీ అంగాంగం చుట్టుముట్టిన క్రిములు ఎప్పుడో పోయిందనుకున్...