విముక్త జాతి!


Fri,February 21, 2014 01:09 AM

ఎవరం దారి వీడలేదు. పోరాటం మనలను మరింత పరిణుతులను చేసింది. మనలో సంఘీభావం పెంచింది. చరిత్రలో ఏ దశ చివరిది కాదు. ఎవరి బాటలో వారం సాగుదాం. అన్ని బాటలు కలిసే దశ ఒకటి మళ్ళా తప్పకుండా వస్తది. ఆ తెలంగాణ కోసం ముందుకు సాగుతూనే ఉందాం.

సార్వభౌమ సంస్థ అయిన పార్లమెంటు ఆమోదముద్ర పడడంతో తెలంగాణ రాష్ట్ర ఏర్పాటు ఖాయమైంది. రాష్ట్రపతి ఆమోద ముద్ర లాంఛనమే. తెలంగాణ ఇప్పుడు విముక్త జాతి! ఏ జాతికైనా స్వరాజ్యాన్ని మించినది మరొకటి లేదు. స్వాతంత్య్రానికి ప్రత్యామ్నాయం లేదు. దశాబ్దాల పాటు పరతంత్రంలో మగ్గిన జాతికి స్వాతంత్య్రం విలువ మరింత ఎక్కువగా తెలిసి వస్తుంది. తెలంగాణ సమాజం ఆత్మగౌరవంతో బతికే ఈ క్షణం కోసమే అనేక త్యాగాలు చేసింది. అనేక కష్టనష్టాలకు ఓర్చి పోరాడింది. ఈ విజయం వెనుక వేలాది మంది బిడ్డల బలిదానాలు ఉన్నాయి. ఉద్యమ కాలమంతా తెలంగాణ సమాజం అనేక పరీక్షలకు నిలబడ్డది. అనేక అపవాదులు మోసింది. అవహేళనలు భరించింది. దాష్టీకాలకు గురైంది. భౌతిక దాడులను భరించింది. మానసిక చిత్రవధను అనుభవించింది.

అయినా సహనం కోల్పోలేదు. సాధుత్వం వదలుకోలేదు. జూలైలో కాంగ్రెస్ వర్కింగ్ కమిటీ తెలంగాణ ఏర్పాటుకు ఆమోదముద్ర వేసిన తరువాత- కాలం మరింత కఠిన పరీక్షనే పెట్టింది. ప్రతి రోజూ నరాలు తెగిపోయే ఉత్కంఠనే. క్యాబినెట్ సమావేశాలు, జీవోఎం భేటీలు, ఆంటోనీ కమిటీ, పార్లమెంటు షెడ్యూళ్ళు, క్యాబినెట్ నోట్ ఆమోదం, ముసాయిదా తయారీ, అసెంబ్లీలో రోజుకో గొడవ... ఇట్లా ప్రతి మలుపు తెలంగాణ బిడ్డల మనుసును ఉద్వేగ భరితం చేసింది. ప్రతి మెట్టు మెట్టుకు ఊపిరి ఉగ్గబట్టి చూసుడే. పార్లమెంటులోని ఉభయ సభల ఆమోదానికి బిల్లు వచ్చినప్పుడు ఈ చివరి రోజులు కూడా నెత్తురును ఉడుకెత్తించినయి. రాజ్యసభలో సాగిన గంటల కొద్ది చర్చను ఈ తరం తెలంగాణ బిడ్డలు మరిచిపోలేరు. ఈ ఉద్వేగ భరిత ఘట్టంలో- పరాయి చానెళ్ళు రెచ్చగొట్టుడు తక్కువేమీ కాదు. సీమాంధ్ర రాజకీయ, ఉద్యోగ సంఘాల నాయకులు, ఉబుసుపోక చానెళ్ళ చుట్టూ తిరిగే అజ్ఞానుల వాగుడు ఎంత రెచ్చగొట్టేదిగా ఉన్నా తెలంగాణ బిడ్డలు చూపిన సహనానికి చేతులెత్తి మొక్కాలె! సాహసమే కాదు, సహనమూ మన జాతి లక్షణమే!

ఈ స్వేచ్ఛా స్వాతంత్య్రాల కోసం వేలాది మంది బిడ్డలు బలిదానాలు చేశారు. కోట్లాది బిడ్డలు ఆకలిదప్పులు మరిచి పోరుబాటలో సాగారు. పాలిచ్చే తల్లులు, పాలుగారే పసికందులు ఉద్యమంలో పాల్గొనని వారెవ్వరు! ఒక బడిపిల్ల సాయంత్రం బయలెల్లి రాత్రంతా ఎక్కడో బహిరంగ సభలో ఉద్యమ పాటలు పడి తెల్లారే సరికి ఇంటికి చేరుకుని ఆ రోజటి పరీక్ష రాసింది! ఏమి త్యాగమది, ఏమి దీక్ష అది! ఎంత గొప్ప బిడ్డలో గదా! మలి దశ ఉద్యమ కాలమంతా తెలంగాణ జాతి యావత్తూ ఏకతాటిపై నిలిచి చేసిన పోరాటం ప్రపంచ ఉద్యమాల చరిత్రలోనే అద్భుత ఘట్టం. వాడవాడలో జేఏసీలు ఏర్పాటయ్యాయి. ఎవరి అస్తిత్వం వారిది. అయినా సమష్టి పోరాటం. ప్రతి మూడు బజార్ల కాడ ఉద్యమ జెండా ఎగిరింది. నిరాహారదీక్షల కోసం ప్రతి కులం, ప్రతి వత్తి సంఘం వరుసకట్టింది. ప్రజలే ఉద్యమ నాయకులు. దేశ దేశాలలోని బిడ్డలు పుట్టిన గడ్డ కోసం తపనపడ్డరు. ఎవరి పోరాట గాథ వారిది.

ఒక్కొక్కరు తరతరాలు పాడుకునే ఉద్యమ జ్ఞాపకాలను మూటకట్టుకున్నారు. పోరాట గాయాలను పదిల పరుచుకున్న రు. తెలంగాణ ఉద్యమం భౌగోళిక సరిహద్దులు దాటి సంఘీభావాన్ని సాధించింది. సీమాంధ్రలోని అట్టడుగు వర్గాలు కవులు, రచయితలు తెలంగాణ పోరాటానికి మద్దతు పలికారు. పార్లమెంటులో బిల్లు ఆమోదానికి వచ్చినప్పుడు దేశ మంతా ఎంత సంఘీభావం వ్యక్తమైంది! మరాట్వాడా మొదలుకొని బోడోలాండ్ వరకు పోరాట వారసత్వం ఉన్న, మట్టివాసన పసిగట్టే ప్రతి జాతి తెలంగాణకు మద్దతు పలికింది. లాబీయింగ్‌కు లొంగే పెత్తందారీ పోకడలు సంతరించుకున్న రాజకీయ పార్టీలే తెలంగాణను వ్యతిరేకించాయి. తెలంగాణ ఈ సంఘీభావానికి సదా కతజ్ఞతతో ఉంటుంది. సీమాంధ్ర సమాజం కూడా ఒక జాతిగా ఆత్మగౌరవంతో వికాసం చెందాలని ఆకాంక్షిస్తున్నది. హైదరాబాద్ మొదలుకొని తెలంగాణ అంతటా పరచుకొని ఉన్న సీమాంధ్ర జనాన్ని తమలో భాగమై తమ భవిష్యత్తును పంచుకోవాలని పిలుపునిస్తున్నది.
తెలంగాణ పోరాటంలో ఎన్నో రాజకీయ శక్తులు, ఉద్యమ సంస్థలు కలిసి పని చేశాయి. ఎందరో తోడ్పాటు అందించారు. ఎవరి పాత్ర వారిది. కాంగ్రెస్ పార్టీ మాట నిలబెట్టుకున్నది. బీజేపీ మాటకు కట్టుబడి మద్దతు ఇచ్చింది. టీఆర్‌ఎస్ ముందు నిలిచి పోరాడింది.

అనేక ప్రజా సంఘాలు అలుపెరుగకుండా ఉద్యమించాయి. కవులు, రచయితలు, కళాకారులు, ఉద్యోగులు, విద్యార్థులు, జర్నలిస్టులు, న్యాయ వాదులు జనంతో మమేకమై ఉద్యమించారు. జయశంకర్ ప్రతిపాదించినట్టు ఆర్‌ఎస్‌యు మొదలుకొని ఆరెస్సెస్ వరకు లెఫ్టు, రైటు తేడా లేకుండా అన్ని వాదాలు తెలంగాణ వాదమై పరవళ్ళు తొక్కాయి. ఎవరి ఆకాంక్ష వారిది. ఎవరి స్నప్నం వారిది. ఏ లక్ష్యం నెరవేరడానికైనా తెలంగాణ ఏర్పాటు కనీస ప్రాతిపదిక. అది సాధించాం. ఆచార్య జయశంకర్‌ను స్మరించుకుందాం. అమరవీరులకు నివాళులర్పిద్దాం. సామ్యవాద తెలంగాణ, సామాజిక తెలంగాణ... మిత్రులారా... ఇట్లా ఎవరి దారులు చెరిగి పోలేదు.

ఎవరం దారి వీడలేదు. పోరాటం మనలను మరింత పరిణుతులను చేసిం ది. మనలో సంఘీభావం పెంచింది. చరిత్రలో ఏ దశ చివరిది కాదు. ఎవరి బాటలో వారం సాగుదాం. అన్ని బాటలు కలిసే దశ ఒకటి మళ్ళా తప్పకుండా వస్తది. ఆ తెలంగాణ కోసం ముందుకు సాగుతూనే ఉందాం.

259

Allam Narayana

తూటాను మోస్తున్నవాడి ప్రశ్న

శివరాత్రి దినమువోలె/ ఒక్క పొద్దిడిసే యాళ/శివుడు చిన్నాబోయిండో నా కూనల్లారా... తెలగాణ పల్లేలన్ని/ ఎములాడకెళ్లంగ.... అని సాగే పాట గద్దర్‌ది. ఎక్కువ ప్రచారంలో లేనిది. కొద్దిమంది మాత్రమే విన్నది కావొచ్చు కానీ.... దానికదిగా ఇదొక అద్భుత కావ్యగానం. మానాల అ...

అన్యాయం చక్కదిద్దరా!

ఇప్పుడు రాష్ట్ర విభజన జరిగింది. ఇక మిగిలింది కేంద్ర పాలకులు. కేంద్రంలో ఇప్పటి వరకు అధికారం నెరిపిన పార్టీలలో కాంగ్రెస్‌ది ప్రధాన బాధ్యత. కొంత కాలం పాలించిన బీజేపీ కూడా ఈ బాధ్యత నుంచి తప్పించుకోలేదు. అందువల్ల ఈ రెండు పార్టీలు తెలంగాణ సమాజానికి క్షమాపణ...

తెలంగాణ వ్యతిరేకత!

కేంద్ర ప్రభుత్వం సీమాంధ్ర ప్రభువులను ప్రీతిపాత్రం చేసుకునే క్రమంలో తెలంగాణ ప్రయోజనాలకు విరుద్ధంగా వ్యవహరించడానికి ఏమాత్రం వెనుకాడదని మరోసారి రుజువైంది. తెలంగాణ రాష్ట్ర ఏర్పాటు బిల్లుపై రాష్ట్రపతి సంతకం చేసి గెజిట్‌లో చేరి ఎంతో సేపు కాలేదు. కేంద్ర క్య...

అచ్చమైన గణతంత్రం

దేశంలోనే ఒక రాష్ట్రం ఏర్పాటు చేయడానికి, ఒక జాతి ఆకాంక్ష తీర్చడానికి ప్రయాసతో కూడిన అప్రజాస్వామిక విధానం అవలంబించడం తగదు. కేంద్రంలోని విధానకర్తలు ఇప్పటికైనా సొంత రాష్ట్ర డిమాండ్లు తీర్చడాన్ని ఒక విధానంగా స్వీకరించాలె. ఆధిపత్యశక్తుల ఇష్టాయిష్టాలతో ని...

ఊరట ఏదీ!

ఇంతకాలం తెలంగాణనే బాధిత పక్షం. ఇకముందు కూడా తెలంగాణ బాధిత పక్షంగానే ఉండబోతున్నది. కానీ తెలంగాణ రోదన ఎవరూ వినడం లేదు. తెలంగాణ వారికి నాలుగు స్వాంతన వాక్యాలు చెప్పడానికి కూడా ఎవరూ లేరు. కేంద్రంలో సీమాంధ్ర పెత్తందారుల మాటనే ఇంకా చెలామణి అవుతున్నది. ...

నీచ రాజకీయం!

ధన ప్రభావంతో ప్రజల ఆకాంక్షను దెబ్బతీయవచ్చునని అనుకునే వారికి పరకాల ఎన్నిక ుణపాఠం నేర్పింది. ప్రజలకు హామీలు ఇచ్చి మాట మారిస్తే ఎట్లా ఉంటుందో ఇదే జగన్, చంద్రబాబు యాత్రలకు ఎదురైన వ్యతిరేకతే నిదర్శనం. ఇప్పుడు ఎన్నికలంటే ప్రజాభిప్రాయ సేకరణ. ఓటంటే బలమైన ...

నిరంతర పోరాటం

తెలంగాణ రాష్ట్రంలో మన హక్కుల కోసం ఏ విధంగా పోరాడాలె? అందుకు అనుసరించే వ్యూహం ఎటువంటిది అనే సందేహాలు రావచ్చు. ఎప్పుడు కాని ఏ సమస్యలను ప్రాధాన్యంగా గుర్తించి పోరాడాలనేది చెప్పేది ప్రజలే. పోరాట వ్యూహాన్ని నిర్ణయించేది కూడా ప్రజలే. నిజాయితీ గల ఉద్యమకారుల...

దొంగ దెబ్బ

29వ రాష్ట్రంగా మనకు దేశంలోని అన్ని రాష్ర్టాలు అనుభవిస్తున్న అన్ని హక్కులున్నాయి. వాటికి ఫెడరల్ నిర్మాణంలో హామీలున్నాయి. రాజ్యాంగబద్ధత ఉన్నది. ఆ ధీమాతో మన ప్రయోజనాల కోసం పోరాటం కొనసాగించక తప్పదు. దోపిడీ పీడనలు ఉన్నప్పుడు దానికి వ్యతిరేకంగా పోరాటం చెలర...

విముక్త జాతి!

ఎవరం దారి వీడలేదు. పోరాటం మనలను మరింత పరిణుతులను చేసింది. మనలో సంఘీభావం పెంచింది. చరిత్రలో ఏ దశ చివరిది కాదు. ఎవరి బాటలో వారం సాగుదాం. అన్ని బాటలు కలిసే దశ ఒకటి మళ్ళా తప్పకుండా వస్తది. ఆ తెలంగాణ కోసం ముందుకు సాగుతూనే ఉందాం. సార్వభౌమ సంస్థ అయిన పా...

పతనం...

లగడపాటి రాజగోపాల్ నిజస్వరూపాన్నే కాదు, సీమాంధ్ర మీడియా మాయాజాలాన్ని కూడా తెలంగాణ ఉద్యమం బయట పెట్టగలిగింది. సీమాంధ్ర మీడియా వ్యతిరేక కథనాల దాడి ఎంత సాగినా తెలంగాణ ఉద్యమం అంతకంతకూ వద్ధి చెందుతూ ఢిల్లీని తాకడం తాజా పరిణామం. సీమాంధ్ర బేహారిగా ఉండి ప్...

బరితెగింపు

తాను అధికారంలో ఉన్నప్పుడు తెలంగాణ ఏర్పాటు చేయడంలో విఫలమైన బీజేపీ ఇప్పుడు ప్రతిపక్షంగానైనా సహకరిస్తే బాగుండేది. వచ్చే వారం ఈ లోక్‌సభ పదవీ కాలంలో చిట్టచివరిది. ఈ లోగా తెలంగాణ బిల్లును ఆమోదించి ధర్మం పక్షం వహిస్తే సరేసరి. లేకపోతే ఈ నాయకులు ప్రజల మధ్యకు ...

చివరి క్షణంలో రభస

అసెంబ్లీ అభిప్రాయం పొందిన తెలంగాణ బిల్లుకు రాష్ట్రపతి సమ్మతి తెలుపడంతో ఇగ పార్లమెంటులో ప్రవేశ పెట్టడమే మిగిలింది. ఈ బిల్లును మంగళవారం రాజ్యసభలో ప్రవేశ పెట్టవచ్చునని తెలుస్తున్నది. దశాబ్దాలుగా ఉద్యమిస్తున్న తెలంగాణ ప్రజల ఆకాంక్ష తీరే రోజు దగ్గర పడ్డది...

ఇంకేమి వదులుకోవాలి?

తెలంగాణ ఉద్యమం వచ్చిందే మన నీళ్ళ కోసం, కొలువుల కోసం, నిధుల కోసం. మన జాగల మన రాజ్యం కోసం. అదీ లేకపోతె ఇగ తెలంగాణ ఇచ్చుడెట్లయితది. ఇప్పటికే మూడు తరాలు నష్టపోయినం. పిల్లలు ఆగమైండ్రు. ఇంకా ఏం వదులుకోవాలట! పార్లమెంటుల బిల్లు పెట్టినప్పుడు చర్చ జరగవలసి...

ఏది సమాఖ్య స్ఫూర్తి?

తమ వాదనలో పస లేనప్పుడు డొంక తిరుగుడు మాటల్లో దొర్లాడడం సీమాంధ్ర పెత్తందారులకు అలవాటే. ఏదైనా రాష్ట్రంలోని చిన్న ప్రాంతం విడిగా బతకాలనుకుంటే, ఆ రాష్ర్టాన్ని విభజించే అధికారం కేంద్రానికి ఉండాలనే రాజ్యాంగ నిర్మాతలు మూడవ అధికరణం ద్వారా తగు ఏర్పాటు చేశారు....

పీడ వదిలినట్టే!

రాష్ట్ర విభజన బిల్లుకు వ్యతిరేకంగా తీర్మానం చేశామని చంకలు గుద్దుకుంటున్నారు. వీళ్ళు ఇక్కడ ఎన్ని ఏడుపుగొట్టు తీర్మానాలు చేసినా తెలంగాణ బిల్లు పార్లమెంటు ఆమోదం పొందడం ఖాయం. తెలంగాణ ప్రజలకు ఈ పెత్తందారుల పీడ విరగడ కావడం ఖాయం. సీమాంధ్ర ప్రజలు కూడా వీళ్ళ ...

బిల్లుకు విముక్తి ...

తెలంగాణ ప్రజాప్రతినిధులు, ఉద్యమం జమిలిగా ఒక కార్యాచరణతో, ఓరిమితో, ఉపాయంతో, సమయస్ఫూర్తితో వ్యవహరించి, బిల్లుపై చర్చ సందర్భంగా తెలంగాణ ఎందుకు వేరుపడుతున్నదో? అది ఎంత అనివార్యమో? ఆంధ్రప్రదేశ్‌లో ఎన్ని అవస్థలు, అణచివేత, దోపిడీ అనుభవించిందో? సమర్థంగా చెప్...

రాజ్యాంగస్ఫూర్తి నిలబడాలి

బీఏసీలో వచ్చిన అభిప్రాయాలు, అట్లాగే రాష్ట్రపతి నుంచి వచ్చిన బిల్లు అనే ప్రత్యేకతను పరిగణనలోకి తీసుకుని స్పీకర్ విశేషాధికారాలతో సీఎం తీర్మానాన్ని తిరస్కరించడమే ఆరోగ్యకరమైన రాజ్యాంగస్ఫూర్తి కాగలదు. విశేష అధికారాలను స్పీకర్ వాడుకునే సందర్భంలో తీర్మాన...

ఐక్యత అపూర్వం

తెలంగాణ సమాజం ఒక అద్భుతమైన, చరిత్రాత్మక, సుదీర్ఘ పోరాటాన్ని నిర్వహించ డం ద్వారా కొత్త ప్రమాణాలను నెలకొల్పినట్టయింది. సమాజశక్తుల్లో,చివరికి ప్రజా ప్రాతినిధ్య శక్తుల్లో కూడా ఈ ఉద్యమం ఒక అనివార్య ఐక్యతను పాదుకొల్పింది. ఐక్యంగా లేకపోతే బలయిపోతామన...

హైదరాబాద్..చష్మేబద్దూర్!

హైదరాబాద్! నువ్వు అపురూప అమాయక సౌందర్యానివి వెలుగు నీడల భోలా ప్రపంచానివి నీ చుట్టూ ఇప్పుడు సమైక్య రోగుల బర్బర నత్యం హైదరాబాద్ *చెష్మెబద్దూర్! మద్రాస్ మీద కన్నేసిన ఆ మహాదాశయులే కదా ఇప్పుడు నీ అంగాంగం చుట్టుముట్టిన క్రిములు ఎప్పుడో పోయిందనుకున్...

ఎన్నాళ్లీ వంచన?

అటు మీడియా, ఇటు సీమాంధ్ర పెత్తందారీ నాయకత్వం సీమాంధ్ర ప్రజలకు ఈ విధంగా వాస్తవాలు చెప్పకుండా దాచి ద్రోహం చేస్తున్నారు. మరోవైపు తెలంగాణ ప్రజలను ఎన్నటికీ తీరని గందరగోళంలోకి నెడుతున్నారు. ఆ విధంగా తమను తాము మోసం చేసుకుంటున్నారు. తెలుగు ప్రజలను మోసం చేస్...