ఇంకేమి వదులుకోవాలి?


Sat,February 8, 2014 02:29 AM

తెలంగాణ ఉద్యమం వచ్చిందే మన నీళ్ళ కోసం, కొలువుల కోసం, నిధుల కోసం. మన జాగల మన రాజ్యం కోసం. అదీ లేకపోతె ఇగ తెలంగాణ ఇచ్చుడెట్లయితది. ఇప్పటికే మూడు తరాలు
నష్టపోయినం. పిల్లలు ఆగమైండ్రు. ఇంకా ఏం వదులుకోవాలట!
పార్లమెంటుల బిల్లు పెట్టినప్పుడు చర్చ జరగవలసింది సీమాంధ్రకు ఏమియ్యాలని కాదు, తెలంగాణకు
జరిగిన నష్టం ఎట్లా పూడ్చాలని.

తెలంగాణ రాష్ట్ర ఏర్పాటు బిల్లును కేంద్ర క్యాబినెట్ ఆమోదించిందన్న వార్త తెలంగాణ వారికి మండుటెండలో మంచినీళ్ళు తాగినంత ఉప్పొస కలిగిస్తున్నది. ఈ బిల్లును 12వ తేదీన రాజ్యసభలో పెడతామని కేంద్ర కేబినెట్ ప్రకటించింది. అయితే తెలంగాణ జనం గుండెల్లో గూడుకట్టుకుని ఉన్న బుగులు మాత్రం ఇంకా తొలగిపోలేదు. తెలంగాణ బిల్లు అసెంబ్లీ నుంచి ఢిల్లీకి చేరినప్పటి నుంచి తెలంగాణ మీద భయానక దాడి సాగుతున్నది. తెలంగాణ రాష్ట్రం ఆవిర్భవిస్తున్న సంతోషం కూడా అనుభవించలేనంత తీవ్ర స్థాయిలో ఈ దాడి సాగుతున్నది.

తెలంగాణ రాష్ట్రం ఇస్తున్న క్రమంలో సీమాంధ్ర వారికి ఏదో నష్టం జరుగుతున్నట్టు ప్రపంచమంతా ఇప్పుడు వారి బాధనే వినాలన్నట్టు మీడియా ప్రచారం సాగిస్తున్నది. అన్ని రాజకీయ పార్టీల ఎజెండా సీమాంధ్ర నాయకులను బుదగరించడమే అన్నట్టుగా పరిస్థితి తయారైంది. ఈ పరిస్థితిని తెచ్చి పెట్టింది ఎవరు? తెలంగాణ రాష్ట్రం ఇస్తున్నట్టు చెప్పుకుంటున్న కాంగ్రెస్ పార్టీ నాయకత్వమా? ఇంత కాలం తెలంగాణకు మద్దతు ప్రకటించిన బీజేపీయేనా? సీమాంధ్ర పెత్తందారులు, మీడియా కుట్ర పూరితంగా ఈ పరిస్థితి తెచ్చి పెట్టారా? కారణమెవరైనా ఈ సీమాంధ్ర నాయకులను సంతుష్టి పరచాలనే భావజాలాన్ని బలంగా వ్యాపింప చేయడం మాత్రం బాగా విషపూరితంగా సాగుతున్నది. బిల్లును ఏ దశలో ఏ విధంగా ఎదుర్కోవాలె, ఎట్లా తెలంగాణ ప్రయోజనాలను దెబ్బ కొట్టాలనే విషయమై సీమాంధ్ర పెత్తందారులు మొదటి నుంచి కుట్రలు, కుతంత్రాలతో వ్యవహరిస్తున్నారు. 2009 డిసెంబర్‌లో నోటి ముంగటి బుక్కను ఎత్తగొట్టిన దుర్మార్గం వారిది. మళ్ళీ ఈ చివరి దశలో తమ పన్నాగాలను మరింత లగాయించి చేస్తారనేది కనబడుతూనే ఉన్నది.

సీమాంధ్ర ప్రయోజనాలకు నష్టం ఏదో జరుగుతున్నదనే తప్పుడు ప్రచారం వెనుక ఉన్న ఎత్తుగడ తెలంగాణ ప్రయోజనాలు దెబ్బకొట్టాలనేదే. రాష్ట్ర విభజన జరిగినా అన్యాయం జరుగుతున్నది తెలంగాణకే. చర్చ జరగవలసింది తెలంగాణకు జరుగుతున్న అన్యాయాల మీద. కానీ సంపూర్ణ తెలంగాణ ఇవ్వాలనే ఆకాంక్ష చర్చకు కూడా నోచుకోవడం లేదు. అరు దశాబ్దాల పాటు అణచివేతకు, దోపిడీకి గురైన తెలంగాణ ను మళ్ళీ కోలుకునే విధంగా ఆర్థిక సహాయం అందించవలసిన బాధ్యత కేంద్రంపై ఉన్నది. ఉద్యోగాలలో, ఉపాధిలో, నీటి పంపకంలో, నిధుల పంపిణీలో తీవ్ర అన్యాయం జరిగినందు వల్ల తెలంగాణ సమాజం చితికిపోయింది. లక్షలాది కుటుంబాలు ఛిన్నాభిన్నమైనాయి.

ఇప్పుడు కోట్లాది తెలంగాణ ప్రజల మొహంలో చిరునవ్వులు ఎట్లా నింపాలనేది ఢిల్లీ పాలకుల ఎజెండా కావాలె. కానీ తెలంగాణ రాష్ట్రం ఏర్పాటు చేసినప్పటికీ, కొత్త రాష్ట్ర ఫలా లు మాత్రం తామే అనుభవించే విధంగా సీమాంధ్ర నాయకులు కొర్రీలు పెట్టిస్తున్నారు. నీళ్ళ వాటాలో తంపులు పెడుతున్నారు. నిధులలో వాటా కావాలట. హైదరాబాద్ పై పట్టు విడువరట. ఉద్యోగులు ఇక్కడే తిష్ట వేస్తార ట. కొత్త విద్యా ఉద్యోగ అవకాశాలలో వాటా ఉండాలట. ఇట్లా అన్ని వాళ్ళ చేతిలో పెట్టిన తరువాత మళ్ళా రాష్ట్రం సాధించుకున్నది ఎందుకట? బిల్లులోని లోపాలపై చర్చ జరిపి తెలంగాణ వారికి న్యాయం జరిపించాలె. కానీ రాష్ట్ర విభజన జరిగితే తెలంగాణ, సీమాంధ్ర మధ్య సీదాగా గీత గీసినట్టు జరగాలె. లెక్కలు గిక్కలు సాఫ్‌గా ఉండాలె. కానీ అట్లా జరుగుతనే లేదనేది తెలంగాణ వారి బాధ. బిల్లు ఢిల్లీకి పోయిన తరువాతనైనా తమకు జరిగిన అన్యాయాన్ని చక్కదిద్దుతారేమోనని తెలంగాణ వారు ఆశపడ్డరు. కానీ అక్కడ పరిస్థితి ఉల్టాపల్టా చేసి ఇంకా అవ్వే దొంగ నాటకాలు ఆడుతున్నరు.

కాంగ్రెస్ పార్టీ నాయకత్వమే తెలంగాణ ఇస్తనంటున్నది. కానీ కాంగ్రెస్ పార్టీకి చెందిన ముఖ్యమంత్రి ఢిల్లీలో ధర్నా చేపడతడు. అధికార పార్టీ ఎంపీలే పార్లమెంటులో గొడవ చేస్తున్నరు. ఇంత కాలం చిన్న రాష్ర్టాలు మా సిద్ధాంతమని, తెలంగాణకు మద్దతు ఇస్తామని నీతులు పలికిన బీజేపీ పెద్దలు సీమాంధ్ర నాయకులను మెప్పించాలని అంటున్నరు. వాళ్ళను మెప్పిస్తెనే తాము మద్దతు ఇస్తరట. కప్పను ఇడువుమంటే పాము వింటదా? ఇదెక్కడి నీతి? చెప్పెటోడికి తెలివి లేక పోతే వినెటోడికి వివేకం ఉండాలంటరు. సీమాంధ్ర పెత్తందారులు ఇజ్జతిడిచి అన్నీ కావాలని అడుగుతరు. కానీ ఈ బీజేపీ నాయకులు వాళ్ళ తరఫున వకాల్తా పుచ్చుకునుడే బాగా లేదు. కాంగ్రెస్ నాయకులు మీటింగ్‌లు పెట్టి వాళ్లను బతిమిలాడుడు అంతకన్నా బాగలేదు. సీమాంధ్రకు ప్రత్యేక ప్యాకేజీలు ఇచ్చుకుంటే వద్దంటలేం.

రాజధాని కట్టుకోవడానికి కోట్లు కుమ్మరించినా వద్దనే కండ్ల మంట మాకు లేదు. సీమాంధ్రకు విద్యా సంస్థలు, వైద్య సంస్థలు మొదలైనవన్నీ అడిగిన తీరుగ, చాతనైన కాడికి మంజూరు చేస్తే వద్దనేది లేదు. కని మళ్ళా ఉప్పేసి పొత్తు కూడుతం అంటే ఊకునేది లేదు. తెలంగాణ మీద పెత్తనం కావాలంటే ఇచ్చేది లేదు. తెలంగాణ ఉద్యమం వచ్చిందే మన నీళ్ళ కోసం, కొలువుల కోసం, నిధుల కోసం. మన జాగల మన రాజ్యం కోసం. అదీ లేకపోతె ఇగ తెలంగాణ ఇచ్చుడెట్లయితది. ఇప్పటికే మూడు తరాలు నష్టపోయినం. పిల్లలు ఆగమైండ్రు. ఇంకా ఏం వదులుకోవాలట! పార్లమెంటుల బిల్లు పెట్టినప్పుడు చర్చ జరగవలసింది సీమాంధ్రకు ఏమియ్యాలని కాదు, తెలంగాణకు జరిగిన నష్టం ఎట్లా పూడ్చాలని. తెలంగాణకు సమన్యాయం జరగాలని చర్చించాలె. సంపూర్ణ తెలంగాణ ఇచ్చే విధంగా సవరణలు ఉండాలె.

276

Allam Narayana

తూటాను మోస్తున్నవాడి ప్రశ్న

శివరాత్రి దినమువోలె/ ఒక్క పొద్దిడిసే యాళ/శివుడు చిన్నాబోయిండో నా కూనల్లారా... తెలగాణ పల్లేలన్ని/ ఎములాడకెళ్లంగ.... అని సాగే పాట గద్దర్‌ది. ఎక్కువ ప్రచారంలో లేనిది. కొద్దిమంది మాత్రమే విన్నది కావొచ్చు కానీ.... దానికదిగా ఇదొక అద్భుత కావ్యగానం. మానాల అ...

అన్యాయం చక్కదిద్దరా!

ఇప్పుడు రాష్ట్ర విభజన జరిగింది. ఇక మిగిలింది కేంద్ర పాలకులు. కేంద్రంలో ఇప్పటి వరకు అధికారం నెరిపిన పార్టీలలో కాంగ్రెస్‌ది ప్రధాన బాధ్యత. కొంత కాలం పాలించిన బీజేపీ కూడా ఈ బాధ్యత నుంచి తప్పించుకోలేదు. అందువల్ల ఈ రెండు పార్టీలు తెలంగాణ సమాజానికి క్షమాపణ...

తెలంగాణ వ్యతిరేకత!

కేంద్ర ప్రభుత్వం సీమాంధ్ర ప్రభువులను ప్రీతిపాత్రం చేసుకునే క్రమంలో తెలంగాణ ప్రయోజనాలకు విరుద్ధంగా వ్యవహరించడానికి ఏమాత్రం వెనుకాడదని మరోసారి రుజువైంది. తెలంగాణ రాష్ట్ర ఏర్పాటు బిల్లుపై రాష్ట్రపతి సంతకం చేసి గెజిట్‌లో చేరి ఎంతో సేపు కాలేదు. కేంద్ర క్య...

అచ్చమైన గణతంత్రం

దేశంలోనే ఒక రాష్ట్రం ఏర్పాటు చేయడానికి, ఒక జాతి ఆకాంక్ష తీర్చడానికి ప్రయాసతో కూడిన అప్రజాస్వామిక విధానం అవలంబించడం తగదు. కేంద్రంలోని విధానకర్తలు ఇప్పటికైనా సొంత రాష్ట్ర డిమాండ్లు తీర్చడాన్ని ఒక విధానంగా స్వీకరించాలె. ఆధిపత్యశక్తుల ఇష్టాయిష్టాలతో ని...

ఊరట ఏదీ!

ఇంతకాలం తెలంగాణనే బాధిత పక్షం. ఇకముందు కూడా తెలంగాణ బాధిత పక్షంగానే ఉండబోతున్నది. కానీ తెలంగాణ రోదన ఎవరూ వినడం లేదు. తెలంగాణ వారికి నాలుగు స్వాంతన వాక్యాలు చెప్పడానికి కూడా ఎవరూ లేరు. కేంద్రంలో సీమాంధ్ర పెత్తందారుల మాటనే ఇంకా చెలామణి అవుతున్నది. ...

నీచ రాజకీయం!

ధన ప్రభావంతో ప్రజల ఆకాంక్షను దెబ్బతీయవచ్చునని అనుకునే వారికి పరకాల ఎన్నిక ుణపాఠం నేర్పింది. ప్రజలకు హామీలు ఇచ్చి మాట మారిస్తే ఎట్లా ఉంటుందో ఇదే జగన్, చంద్రబాబు యాత్రలకు ఎదురైన వ్యతిరేకతే నిదర్శనం. ఇప్పుడు ఎన్నికలంటే ప్రజాభిప్రాయ సేకరణ. ఓటంటే బలమైన ...

నిరంతర పోరాటం

తెలంగాణ రాష్ట్రంలో మన హక్కుల కోసం ఏ విధంగా పోరాడాలె? అందుకు అనుసరించే వ్యూహం ఎటువంటిది అనే సందేహాలు రావచ్చు. ఎప్పుడు కాని ఏ సమస్యలను ప్రాధాన్యంగా గుర్తించి పోరాడాలనేది చెప్పేది ప్రజలే. పోరాట వ్యూహాన్ని నిర్ణయించేది కూడా ప్రజలే. నిజాయితీ గల ఉద్యమకారుల...

దొంగ దెబ్బ

29వ రాష్ట్రంగా మనకు దేశంలోని అన్ని రాష్ర్టాలు అనుభవిస్తున్న అన్ని హక్కులున్నాయి. వాటికి ఫెడరల్ నిర్మాణంలో హామీలున్నాయి. రాజ్యాంగబద్ధత ఉన్నది. ఆ ధీమాతో మన ప్రయోజనాల కోసం పోరాటం కొనసాగించక తప్పదు. దోపిడీ పీడనలు ఉన్నప్పుడు దానికి వ్యతిరేకంగా పోరాటం చెలర...

విముక్త జాతి!

ఎవరం దారి వీడలేదు. పోరాటం మనలను మరింత పరిణుతులను చేసింది. మనలో సంఘీభావం పెంచింది. చరిత్రలో ఏ దశ చివరిది కాదు. ఎవరి బాటలో వారం సాగుదాం. అన్ని బాటలు కలిసే దశ ఒకటి మళ్ళా తప్పకుండా వస్తది. ఆ తెలంగాణ కోసం ముందుకు సాగుతూనే ఉందాం. సార్వభౌమ సంస్థ అయిన పా...

విముక్త జాతి!

ఎవరం దారి వీడలేదు. పోరాటం మనలను మరింత పరిణుతులను చేసింది. మనలో సంఘీభావం పెంచింది. చరిత్రలో ఏ దశ చివరిది కాదు. ఎవరి బాటలో వారం సాగుదాం. అన్ని బాటలు కలిసే దశ ఒకటి మళ్ళా తప్పకుండా వస్తది. ఆ తెలంగాణ కోసం ముందుకు సాగుతూనే ఉందాం. సార్వభౌమ సంస్థ అయిన పా...

పతనం...

లగడపాటి రాజగోపాల్ నిజస్వరూపాన్నే కాదు, సీమాంధ్ర మీడియా మాయాజాలాన్ని కూడా తెలంగాణ ఉద్యమం బయట పెట్టగలిగింది. సీమాంధ్ర మీడియా వ్యతిరేక కథనాల దాడి ఎంత సాగినా తెలంగాణ ఉద్యమం అంతకంతకూ వద్ధి చెందుతూ ఢిల్లీని తాకడం తాజా పరిణామం. సీమాంధ్ర బేహారిగా ఉండి ప్...

బరితెగింపు

తాను అధికారంలో ఉన్నప్పుడు తెలంగాణ ఏర్పాటు చేయడంలో విఫలమైన బీజేపీ ఇప్పుడు ప్రతిపక్షంగానైనా సహకరిస్తే బాగుండేది. వచ్చే వారం ఈ లోక్‌సభ పదవీ కాలంలో చిట్టచివరిది. ఈ లోగా తెలంగాణ బిల్లును ఆమోదించి ధర్మం పక్షం వహిస్తే సరేసరి. లేకపోతే ఈ నాయకులు ప్రజల మధ్యకు ...

చివరి క్షణంలో రభస

అసెంబ్లీ అభిప్రాయం పొందిన తెలంగాణ బిల్లుకు రాష్ట్రపతి సమ్మతి తెలుపడంతో ఇగ పార్లమెంటులో ప్రవేశ పెట్టడమే మిగిలింది. ఈ బిల్లును మంగళవారం రాజ్యసభలో ప్రవేశ పెట్టవచ్చునని తెలుస్తున్నది. దశాబ్దాలుగా ఉద్యమిస్తున్న తెలంగాణ ప్రజల ఆకాంక్ష తీరే రోజు దగ్గర పడ్డది...

ఏది సమాఖ్య స్ఫూర్తి?

తమ వాదనలో పస లేనప్పుడు డొంక తిరుగుడు మాటల్లో దొర్లాడడం సీమాంధ్ర పెత్తందారులకు అలవాటే. ఏదైనా రాష్ట్రంలోని చిన్న ప్రాంతం విడిగా బతకాలనుకుంటే, ఆ రాష్ర్టాన్ని విభజించే అధికారం కేంద్రానికి ఉండాలనే రాజ్యాంగ నిర్మాతలు మూడవ అధికరణం ద్వారా తగు ఏర్పాటు చేశారు....

పీడ వదిలినట్టే!

రాష్ట్ర విభజన బిల్లుకు వ్యతిరేకంగా తీర్మానం చేశామని చంకలు గుద్దుకుంటున్నారు. వీళ్ళు ఇక్కడ ఎన్ని ఏడుపుగొట్టు తీర్మానాలు చేసినా తెలంగాణ బిల్లు పార్లమెంటు ఆమోదం పొందడం ఖాయం. తెలంగాణ ప్రజలకు ఈ పెత్తందారుల పీడ విరగడ కావడం ఖాయం. సీమాంధ్ర ప్రజలు కూడా వీళ్ళ ...

బిల్లుకు విముక్తి ...

తెలంగాణ ప్రజాప్రతినిధులు, ఉద్యమం జమిలిగా ఒక కార్యాచరణతో, ఓరిమితో, ఉపాయంతో, సమయస్ఫూర్తితో వ్యవహరించి, బిల్లుపై చర్చ సందర్భంగా తెలంగాణ ఎందుకు వేరుపడుతున్నదో? అది ఎంత అనివార్యమో? ఆంధ్రప్రదేశ్‌లో ఎన్ని అవస్థలు, అణచివేత, దోపిడీ అనుభవించిందో? సమర్థంగా చెప్...

రాజ్యాంగస్ఫూర్తి నిలబడాలి

బీఏసీలో వచ్చిన అభిప్రాయాలు, అట్లాగే రాష్ట్రపతి నుంచి వచ్చిన బిల్లు అనే ప్రత్యేకతను పరిగణనలోకి తీసుకుని స్పీకర్ విశేషాధికారాలతో సీఎం తీర్మానాన్ని తిరస్కరించడమే ఆరోగ్యకరమైన రాజ్యాంగస్ఫూర్తి కాగలదు. విశేష అధికారాలను స్పీకర్ వాడుకునే సందర్భంలో తీర్మాన...

ఐక్యత అపూర్వం

తెలంగాణ సమాజం ఒక అద్భుతమైన, చరిత్రాత్మక, సుదీర్ఘ పోరాటాన్ని నిర్వహించ డం ద్వారా కొత్త ప్రమాణాలను నెలకొల్పినట్టయింది. సమాజశక్తుల్లో,చివరికి ప్రజా ప్రాతినిధ్య శక్తుల్లో కూడా ఈ ఉద్యమం ఒక అనివార్య ఐక్యతను పాదుకొల్పింది. ఐక్యంగా లేకపోతే బలయిపోతామన...

హైదరాబాద్..చష్మేబద్దూర్!

హైదరాబాద్! నువ్వు అపురూప అమాయక సౌందర్యానివి వెలుగు నీడల భోలా ప్రపంచానివి నీ చుట్టూ ఇప్పుడు సమైక్య రోగుల బర్బర నత్యం హైదరాబాద్ *చెష్మెబద్దూర్! మద్రాస్ మీద కన్నేసిన ఆ మహాదాశయులే కదా ఇప్పుడు నీ అంగాంగం చుట్టుముట్టిన క్రిములు ఎప్పుడో పోయిందనుకున్...

ఎన్నాళ్లీ వంచన?

అటు మీడియా, ఇటు సీమాంధ్ర పెత్తందారీ నాయకత్వం సీమాంధ్ర ప్రజలకు ఈ విధంగా వాస్తవాలు చెప్పకుండా దాచి ద్రోహం చేస్తున్నారు. మరోవైపు తెలంగాణ ప్రజలను ఎన్నటికీ తీరని గందరగోళంలోకి నెడుతున్నారు. ఆ విధంగా తమను తాము మోసం చేసుకుంటున్నారు. తెలుగు ప్రజలను మోసం చేస్...

country oven

Featured Articles