రిలీజ్‌కు ముందే పదినిమిషాల సినిమా!


Tue,November 14, 2017 10:52 PM

Vijay Antonys Annadurai Telugu version Indrasena Movie release on Nov 30th

indrasena
బిచ్చగాడు చిత్రంతో తెలుగు, తమిళ భాషల్లో తిరుగులేని విజయాన్ని సొంతం చేసుకున్నారు విజయ్ అంటోని. ఆయన నటిస్తున్న తాజా తమిళ చిత్రం అన్నాదురై. జి.శ్రీనివాసన్ దర్శకుడిగా పరిచయమవుతున్నారు. డైనా చంపిక, మహిమ, జ్వెల్ మ్యారీ కథానాయికలుగా నటిస్తున్న ఈ చిత్రాన్ని ఇంద్రసేన పేరుతో ఎన్.కె.ఆర్. ఫిలింస్ అధినేత నీలం కృష్ణారెడ్డి తెలుగులో అందిస్తున్నారు. ఈ నెల 30న ప్రేక్షకుల ముందుకు రానుంది. ఈ సందర్భంగా నీలం కృష్ణారెడ్డి మాట్లాడుతూ ఇటీవల విడుదలైన థియేట్రికల్ ట్రైలర్ సినిమా అంచనాల్ని పెంచింది. బిచ్చగాడు చిత్రానికి మించిన కథ, కథనాలతో ఈ చిత్రాన్ని రూపొందించారు. ఆ నమ్మకంతోనే భారీ మొత్తం చెల్లించి ఉభయ తెలుగు రాష్ట్రాలకు సంబంధించిన థియేటర్ హక్కుల్ని సొంతం చేసుకున్నాం. ఈ నెల 16న భారీ స్థాయిలో ఆడియోను విడుదల చేసి అదే సమయంలో చిత్రానికి సంబంధించిన పదినిమిషాల సినిమాను ప్రదర్శిస్తాం. ఓ మాస్ సాంగ్‌ను కూడా విడుదల చేస్తాం. ఈ పాటను మాస్ మహారాజా రవితేజ రిలీజ్ చేస్తారు. మా సంస్థ విడుదల చేసిన ఇంకొక్కడు, జయమ్ము నిశ్చయమ్మురా చిత్రాల తరహాలోనే ఈ సినిమా కూడా ఘన విజయం సాధిస్తుందన్న నమ్మకముంది అన్నారు. రాధారవి, కాళీ వెంకట్, నళినీకాంత్ తదితరులు నటిస్తున్నారు. ఈ చిత్రానికి మాటలు, పాటలు: భాష్యశ్రీ, ఆర్ట్: ఆనంద్‌మణి, సంగీతం, ఎడిటింగ్: విజయ్ ఆంటోని, ఛాయాగ్రహణం: కె.దిల్‌రాజ్, లైన్ ప్రొడ్యూసర్: శాండ్రా జాన్సన్.

1506

More News

VIRAL NEWS