Telangana Intermediate 1st & 2nd Year Results 2019

అల్లూరి గెటప్‌లో..


Sat,March 23, 2019 11:34 PM

Varun Tej reveals Young Alluri Seetharamaraju look of Ram Charan

రామ్‌చరణ్, ఎన్టీఆర్ కలిసి నటిస్తున్న తొలి మల్టీస్టారర్ చిత్రం ఆర్‌ఆర్‌ఆర్. ఎస్.ఎస్. రాజమౌళి తెరకెక్కిస్తున్నారు. అలియాభట్, డైసీ ఆడ్గార్జియోన్స్ కథానాయికలుగా నటిస్తున్నారు. అజయ్‌దేవ్‌గణ్, సముద్రఖని కీలక పాత్రల్లో నటించనున్నారు. డీవీవీ ఎంటర్‌టైన్‌మెంట్స్ పతాకంపై నిర్మాత డీవీవీ దానయ్య 400 కోట్ల భారీ బడ్జెట్‌తో ఈ చిత్రాన్ని నిర్మిస్తున్నారు. రామ్‌చరణ్ మన్యం వీరుడు అల్లూరి సీతారామరాజుగా, ఎన్టీఆర్ ఆదివాసీ పోరాట యోధుడు కొమరం భీంగా కనిపించనున్నారు. ఇటీవల ఈ చిత్రానికి సంబంధించిన తొలి ప్రెస్‌మీట్‌లో పాల్గొన్న రామ్‌చరణ్, ఎన్టీఆర్ తమ గెటప్‌లు బయటపడకుండా క్యాప్‌లు పెట్టుకుని జాగ్రత్తపడ్డారు.

దీంతో సినిమాలో వారి గెటప్‌లు ఎలా వుండబోతున్నాయనే విషయంలో సర్వత్రా ఆసక్తినెలకొంది. అయితే శనివారం ట్విట్టర్‌లో రామ్‌చరణ్‌తో కలిసి వున్న ఓ ఫొటోను హీరో వరుణ్‌తేజ్ ట్వీట్ చేయడం ఆసక్తికరంగా మారింది. గత కొన్ని రోజులుగా అల్లూరి గెటప్ కోసం సిద్ధమవుతున్న రామ్‌చరణ్ ఈ ఫొటోలో మీసం మెలేసి సరికొత్త ైస్టెల్ క్రాఫ్‌తో కనిపిస్తున్నారు. దీంతో రాజమౌళి ఆర్‌ఆర్‌ఆర్‌లో అల్లూరి గెటప్‌లో కనిపించనున్న రామ్‌చరణ్ లుక్ ఇదే అంటూ సోషల్ మీడియాలో ప్రచారం మొదలైంది. ఈ నెలాఖరు నుంచి చిత్రీకరణ ప్రారంభం కానున్న ఈ సినిమాను 2020 జూలై 30న ప్రపంచవ్యాప్తంగా తెలుగు, తమిళ్, హిందీ, మలయాళ భాషలతో పాటు మొత్తం పది భారతీయ భాషల్లో విడుదల చేయాలని ప్లాన్ చేస్తున్నారు.

2300

More News

VIRAL NEWS

target delhi
country oven

Featured Articles

Health Articles