కెజీఎఫ్ దర్శకుడితో..


Thu,January 3, 2019 01:47 AM

Prabhas Going To Make A Movie With KGF Director

బాహుబలి సినిమాకు నాలుగేళ్లు కేటాయించి ఆ సమయంలో మరో చిత్రంలో నటించని ప్రభాస్ ఆ సినిమా తరువాత వరుస చిత్రాల్ని అంగీకరిస్తూ స్పీడు పెంచారు. ప్రస్తుతం సుజిత్ దర్శకత్వంలో రూపొందుతున్న యాక్షన్ ఎంటర్‌టైనర్ సాహోచిత్రంలో నటిస్తున్నారు. రామోజీ ఫిల్మ్‌సిటీలో హీరో ప్రభాస్ పరిచయానికి సంబంధించిన సన్నివేశాల్ని చిత్రీకరిస్తున్నారు. అత్యంత భారీ స్థాయిలో రూపొందుతున్న ఈ చిత్రం తెలుగు, తమిళ, హిందీ భాషల్లో ఈ ఏడాది ప్రేక్షకుల ముందుకు రానుంది. ఈ సినిమాతో పాటు ప్రభాస్ రాధాకృష్ణకుమార్‌తో ఓ సినిమా చేస్తున్నారు. దీనితో పాటు ఆయన మరో చిత్రాన్ని అంగీకరించినట్లు తెలిసింది. కన్నడ స్టార్ యష్ హీరోగా కెజీఎఫ్ చిత్రాన్ని రూపొందించిన ప్రశాంత్ నీల్ ఈ చిత్రానికి దర్శకత్వం వహించే అవకాశం వుందని తాజా సమాచారం. ద్విభాషా చిత్రంగా అత్యంత భారీ బడ్జెట్‌తో రూపొందనున్న ఈ చిత్రాన్ని యువీ క్రియేషన్స్ పతాకంపై ప్రమోద్ ఉప్పలపాటి, వంశీకృష్ణారెడ్డి నిర్మించే అవకాశం వుందని తెలిసింది. దీనికి సంబంధించిన మరిన్ని వివరాల్ని చిత్ర బృందం త్వరలో వెల్లడించనున్నట్లు సమాచారం.

2487

More News

VIRAL NEWS

country oven

Featured Articles

Health Articles