అదేంటోగాని ఉన్నపాటుగా..


Mon,February 11, 2019 11:37 PM

first single from jersey will release on 14th feb

నాని కథానాయకుడిగా నటిస్తున్న తాజా చిత్రం జెర్సీ. గౌతమ్ తిన్ననూరి (మళ్లీరావా ఫేమ్) దర్శకుడు. సితార ఎంటర్‌టైన్‌మెంట్స్ పతాకంపై సూర్యదేవర నాగవంశీ నిర్మిస్తున్నారు. శ్రద్ధా శ్రీనాథ్ కథానాయిక. అనిరుధ్ రవిచందర్ స్వరాల్ని సమకూర్చుతున్నారు. ఈ సినిమాలోని తొలి గీతాన్ని ప్రేమికుల రోజును పురస్కరించుకొని ఈ నెల 14న విడుదల చేయబోతున్నారు. అదెంటోగానీ ఉన్నపాటుగా అనే పల్లవితో సాగే ఈ గీతం సినిమాలో ప్రధానాకర్షణగా నిలుస్తుందని చిత్ర బృందం తెలిపింది. ప్రస్తుతం ఈ సినిమా చిత్రీకరణ జరుగుతున్నది. ఇందులో నాని అర్జున్ అనే క్రికెటర్ పాత్రను పోషిస్తున్నారు. ఇటీవలే విడుదల చేసిన ఫస్ట్‌లుక్, టీజర్ అందరిని ఆకట్టుకున్నాయి. 36ఏళ్ల వయసులో అర్జున్ అనే వ్యక్తి క్రికెట్‌లో తన లక్ష్యాన్ని ఎలా సాధించాడు? ఈ క్రమంలో అతని జీవితంలో ఎదురైన పరిస్థితులేమిటన్నది ఆద్యంతం ఆసక్తికరంగా సాగుతుందని చిత్రబృందం తెలిపింది. 1996-97 రంజీట్రోఫీ క్రికెట్ నేపథ్యంలో ఈ చిత్ర కథ నడుస్తుంది. ఏప్రిల్‌లో విడుదల చేయడానికి సన్నాహాలు చేస్తున్నారు. సత్యరాజ్, రోనిత్‌కామ్రా, బ్రహ్మాజీ తదితరులు నటిస్తున్న ఈ చిత్రానికి సినిమాటోగ్రఫీ: సను వర్గీస్, ఆర్ట్: అనివాష్ కొల్లా, ఎడిటర్: నవీన్‌నూలి, సమర్పణ: పీడీవీ ప్రసాద్, కథ, స్క్రీన్‌ప్లే, మాటలు, దర్శకత్వం: గౌతమ్‌తిన్ననూరి.

966

More News

VIRAL NEWS

Featured Articles

Health Articles