రోమీ భాటియా పాత్రలో..


Tue,January 8, 2019 11:51 PM

deepika padukone ranveer sing kabir khan biopic

గత కొంత కాలంగా ప్రేమలో మునిగితేలిన బాలీవుడ్ జంట రణ్‌వీర్‌సింగ్, దీపికాపదుకునే ఈ మధ్య డెస్టినేషన్ వెడ్డింగ్‌తో ఒక్కటైన విషయం తెలిసిందే. ఈ జంట త్వరలో తెరపైన కూడా భార్యాభర్తలుగా కనిపించనున్నారని తెలిసింది. క్రికెట్ లెజెండ్ కపిల్‌దేవ్ జీవితకథని వెండితెరపై దృశ్యమానం చేస్తూ 83 పేరుతో ఓ బయోపిక్ త్వరలో సెట్స్‌పైకి రానున్నది. కబీర్‌ఖాన్ దర్శకత్వం వహించనున్నారు. ఈ చిత్రంలో కపిల్‌దేవ్ పాత్రలో రణ్‌వీర్‌సింగ్ నటించబోతున్నారు. కపిల్ భార్య రోమీ భాటియాగా దీపికా పదుకునే కనిపించనుందని తెలిసింది. ఈ పాత్రకు దీపిక అయితేనే బాగుంటుందని దర్శకుడు కబీర్‌ఖాన్‌తో పాటు చిత్ర బృందం భావిస్తున్నట్లు బాలీవుడ్ చిత్ర వర్గాల సమాచారం. సంజయ్‌లీలా భన్సాలీ రూపొందించిన రామ్‌లీలా, బాజీరావ్ మస్తానీ, పద్మావతి వంటి చిత్రాల్లో రణవీర్, దీపిక కలిసి నటించిన విషయం తెలిసిందే.

807

More News

VIRAL NEWS

Featured Articles

Health Articles